Dhananjay Munde Issued Notice by Court : विधानसभा निवडणुकीचा उमेदवारी अर्ज भरताना खरी माहिती दडविल्याबाबत करुणा मुंडेंनी केलेल्या तक्रारीची दखल घेत न्यायालयाने मुंडेंना नोटीस बजावली आहे.
मुंडे यांनी निवडणूक उमेदवारी अर्ज भरताना खरी माहिती दडवली, असा आरोप करुणा यांनी केला होता. या अनुषंगाने परळीच्या फौजदारी न्यायालयाने मंत्री धनंजय यांना न्यायालयाने कारणे दाखवा नोटीस बजावण्याचा आदेश दिला आहे. 
संतोष देशमुखांच्या भावाने केला गंभीर आरोप, म्हणाले, बीडमध्ये टीम बी…
२४ फेब्रुवारी रोजी परळीच्या फौजदारी न्यायालयात सुनावणी होणार आहे. धनंजय यांनी २०२४ मध्ये परळी विधानसभा निवडणूक लढविण्यासाठी दाखल उमेदवारी अर्जासोबतच्या शपथपत्रात पत्नी राजश्री मुंडे आणि तीन मुली तसेच करुणा मुंडे यांच्या दोन मुलांचा उल्लेख केला होता. परंतु, करुणा यांच्या नावावरील मिळकतीबाबत कुठलाही उल्लेख केला नव्हता. त्यांनी खरी माहिती दडविल्याबाबत करुणा यांनी बीड येथून ऑनलाइन तक्रार केली होती. तक्रारीची मूळ कागदपत्रे पाच फेब्रुवारीला दाखल केली.
खासगी तक्रारीचा अधिकार
त्यावरूनच न्यायालयाने आदेश दिल्याचे तक्रारदाराचे वकील चंद्रकांत ठोंबरे यांनी म्हटले आहे. लोकप्रतिनिधी कायदा १९९१ च्या कलम ३३ (अ) नुसार खरी माहिती देणे बंधनकारक आहे. खोटी माहिती दिल्यास कलम १२५ (अ) नुसार सहा महिने शिक्षेची तरतूद आहे. याबाबत तक्रार करणाऱ्या व्यक्तीला खासगी तक्रार करण्याचा अधिकार आहे, असे वकिलांनी म्हटले आहे.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा