10 Thousand to Rickshaw Drivers Above 65 Years : राज्यातील ६५ वर्षांवरील रिक्षाचालकांना १० हजार रुपये देण्यात येण्याची घोषणा परिवहन मंत्री प्रताप सरनाईक यांनी केली आहे.
ऑटो-टॅक्सी चालक कल्याण मंडळाची स्थापना
राज्याचे उपमुख्यमंत्री एकनाथ शिंदे यांनी आपल्या मुख्यमंत्रीपदाच्या कार्यकाळात राज्यातील ऑटो-टॅक्सी चालकांच्या मदतीसाठी धर्मवीर आनंद दिघे महाराष्ट्र ऑटो-टॅक्सी चालक कल्याण मंडळाची स्थापना केली होती. मंडळाकडे ५० कोटी रुपयांचा निधी आहे. याबाबतच्या पहिल्या बैठकीनंतर पत्रकारांशी बोलताना परिवहन मंत्री म्हणाले की, दरवर्षी २७ जानेवारीला मंडळाचा वर्धापन दिन साजरा करण्याचा निर्णय घेतला आहे.
नवी नंबरप्लेट आवश्यक, RTO कडून ३१ मार्चपर्यंत मुदत; कोणत्या वाहनासाठी किती पैसे भरावे लागणार?
६५ वर्षांवरील रिक्षाचालकांसाठी १० हजार रुपये बक्षीस
येत्या मार्चमध्ये परिवहन दिनानिमित्त कल्याण मंडळाचा लोगो प्रसिद्ध करणार आहे. परिवहन मंत्री प्रताप सरनाईक पुढे म्हणाले की, पाच वर्षांपूर्वी नोंदणी केलेल्या आणि ६५ वर्षांपेक्षा जास्त वयाच्या रिक्षाचालकांना १० हजार रुपयांचे एकरकमी बक्षीस एकदा दिलं जाईल. राज्यात जवळपास ९ ते १० लाख ऑटो-टॅक्सी चालक आहेत, त्यापैकी ६५ वर्षांवरील रिक्षाचालकांची संख्या १४,३८७ आहे.
तुळजाभवानी मंदिराच्या जतन-संवर्धनासाठी महत्त्वाचा निर्णय,लवकरच मंदिराला मिळणार गतवैभव
कल्याणकारी मंडळाच्या सदस्यांना अनेक फायदे
धर्मवीर आनंद दिघे महाराष्ट्र ऑटो-टॅक्सी चालक कल्याणकारी मंडळाच्या योजनांचा लाभ घेण्यासाठी आधी ऑटो-टॅक्सी चालकांना आपली नोंदणी करावी लागेल. राज्यातील सर्व रिक्षा आणि मीटर टॅक्सी चालक ५०० रुपये नोंदणी शुल्क आणि ३०० रुपये वार्षिक सदस्यत्व शुल्क भरून कल्याणकारी मंडळाचे सदस्य होऊ शकतात.
६५ वर्षांवरील रिक्षा चालकांना मिळणार १० हजार रुपये बक्षीस, परिवहन मंत्र्यांची मोठी घोषणा
यासाठी सरकारने वेबसाइट तयार केली आहे. त्याशिवाय चालक मोबाईल फोनद्वारे देखील नोंदणी करू शकता. तसंच आगामी काळात कल्याणकारी मंडळ आपल्या सदस्य चालकांना जीवन विमा आणि अपंगत्व विमा यासारख्या आरोग्य योजनांचा लाभ देखील देणार आहे.
चालकांच्या मुलांसाठी स्टायपेंड देखील दिला जाऊ शकतो. ड्युटीवर असताना चालक जखमी झाल्यास त्याला या कल्याणकारी मंडळामार्फत आर्थिक मदत दिली जाणार आहे. अशा अनेक योजना येत्या काळात कल्याणकारी योजनेतून ऑटो-टॅक्सी चालकांना देण्यात येणार आहेत.
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड.… आणखी वाचा