Grandson Killed Grandmother in Kolhapur : कोल्हापुरात नातवाने आजीची हत्या केल्याची धक्कादायक घटना समोर आली आहे. पैशांसाठी ही हत्या केल्याचं समोर आलं आहे.
नग्न उभं करत क्रूरपणे मारहाण, प्रायव्हेट पार्टवर कंपासचे घाव; कॉलेजमध्ये रॅगिंगचा भयंकर प्रकार, पाच जण अटकेतपोलिसांनी दिलेल्या माहितीनुसार, कोल्हापूर जिल्ह्यातील कागल तालुक्यात असलेल्या सेनापती कापशी येथे मृत आजी सगुणा तुकाराम माधव (वय ८०) राहत होत्या. आजीच्या मुलगीचा मुलगा संशयित आरोपी गणेश राजाराम चौगले (वय २२, रा. विक्रमनगर इचलकरंजी) याने काढलेलं कर्ज फेडण्यासाठी इचलकरंजीतील विक्रमनगर येथील राहतं घर विकलं होतं. तरीसुद्धा त्याच्यावर कर्ज होतंच. सगुणा आजीच्या नावे बँकेत दोन लाख रुपये शिल्लक होते, म्हणून त्याने आजीकडे एक लाख रुपयांची मागणी केली होती. पण आजीने नकार दिला. दरम्यान मंगळवार (दि ११) रोजी नातू गणेश चौगुलेने मित्राच्या मदतीने कशाच्या तरी सहाय्याने आजीचा गळा आवळून, तिचं डोके आपटून तिला ठार केलं. नंतर तिच्या हातातील सोन्याच्या दोन पाटल्या आणि कानातील सोन्याची कर्णफुले काढून नेलं.
लेकीने आंतरजातीय लग्न केल्याचा राग, सासऱ्यांनी जावयाला भररस्त्यातून उचललं, कोल्हापुरात थरार दरम्यान, हत्या झाल्याचं समजतात आजीच्या मुलाच्या नातवाने पोलिसात फिर्याद दाखल केली. तसंच संशयित आजीकडे येत होता, हे आजीच्या दुसऱ्या गल्लीत राहणाऱ्या मुलाच्या नातवाला माहिती होतं. घटनेच्या दिवशी आजीच्या मुलाच्या नातवाने संशयित आरोपी गणेश चौगले आणि त्याच्या साथीदाराला पाहिलं असल्याचं सांगितलं. त्यावरून पोलिसांनी तत्काळ या घटनेचा तपास सुरू केला. संशयितांचा शोध घेत असताना पथकातील पोलीस अंमलदार विजय इंगळे, रोहित मर्दाने आणि प्रदिप पाटील यांना गुन्ह्यातील आरोपी गणेश चौगले हा बालाजी चौक, विक्रमनगर, इचलकरंजी येथे असल्याची गोपनीय माहिती मिळाली.
कर्जासाठी आजी पैसे देत नसल्याचा राग, नातवाने आजीला संपवलं; मृतदेहावरील सोनं घेऊन पसार, पण नंतर….
त्या अनुषंगाने पथकांनी बालाजी चौक, विक्रमनगर येथे सापळा लावून नातू, संशयित आरोपी गणेश राजाराम चौगले आणि त्याचा मित्र नरेश उर्फ नरेंद्र दगडू करपे (वय २५) याच्यासह एका अल्पवयीनला इचलकरंजी शहरातून ताब्यात घेतलं आहे. तसंच पोलिसांनी संशयित आरोपीकडून सोन्याच्या पाटल्या, कर्णफुले आणि मोटरसायकल असा चार लाख किंमतीचा मुद्देमाल हस्तगत केला असून पुढील तपासासाठी मुरगुड पोलिसांच्या ताब्यात देण्यात आलं आहे. दरम्यान सर्व संशयीतांना न्यायालयासमोर हजर केलं असता न्यायालयाने पाच दिवसांची पोलीस कोठडी सुनावली आहे.
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड.… आणखी वाचा