नायर रुग्णालयात GBS मुळे एकाचा मृत्यू

वडाळा येथील रहिवासी असलेला ५३ वर्षीय रुग्ण बीएमसीच्या बीएन देसाई रुग्णालयात वॉर्ड बॉय म्हणून काम करत होता. नायर रुग्णालयाचे डीन डॉ. शैलेश मोहिते यांच्या मते, रुग्ण बऱ्याच काळापासून आजारी होता आणि अनेक दिवसांपासून त्याच्यावर उपचार सुरू होते. पण नायर रुग्णालयात उपचारादरम्यान रुग्णाचा मृत्यू झाला आहे. नायर रुग्णालयाचे अधिष्ठाता शैलेश मोहिते यांनी दिलेला महितीनुसार, या रुग्णांचा मृत्यू झाला आहे.
पुण्यात गुइलेन बॅरे सिंड्रोमनंतर न्यूमोनिया झाल्याने महिलेचा मृत्यू, रुग्णालयाचा दावा; डॉक्टरांनी सांगितलं कारण

१३ वर्षीय मुलीला GBS ची लागण, मुंबईत उपचार सुरू

मुंबईत आणखी एका मुलीवर GBS ची लक्षण आढळल्यानंतर उपचार सुरू आहेत. पालघर येथे राहणाऱ्या मुलीला जीबीएसची लक्षणं आढळली. त्यानंतर तिला मुंबईतील नायर रुग्णालयात दाखल करण्यात आलं. इयत्ता दहावीत शिकणाऱ्या या मुलीवर नायर रुग्णालयात उपचार सुरू असून तिची प्रकृती आता स्थिर असल्याची माहिती डॉक्टरांनी दिली आहे.

आतापर्यंत GBS ची १७२ जणांना निश्चित लागण

दरम्यान, महाराष्ट्रात आतापर्यंत GBS चे १९७ संशयित रुग्ण आढळले आहेत. त्यापैकी १७२ रुग्णांना GBS झाल्याचं निश्चित झालं आहे. आतापर्यंत ७ जणांचा मृत्यू झाला असून त्यापैकी ४ मृत्यू हे GBS मुळे झाल्याचं निश्चित झालं आहे. तर ३ मृत्यू संशयित असल्याचं सांगण्यात आलं आहे.
पुण्यात गुइलेन-बॅरे सिंड्रोमचे नवे रुग्ण, १३ व्हेंटिलेटरवर; लक्षणं काय? नागरिकांना घाबरुन जाऊ नये, उपमुख्यमंत्र्यांचं आवाहन

या रुग्णांपैकी आतापर्यंत १०४ जणांना डिस्चार्ज देण्यात आला आहे. ५० रुग्ण आयसीयूमध्ये आहेत, तर २० रुग्ण व्हेंटिलेटरवर आहेत.

GBS हा ऑटोइम्यून डिसऑर्डर आहे. या आजारात शरीराची रोगप्रतिकार शक्ती मज्जासंस्थेवर हल्ला करते आणि स्नानूंमध्ये कमकुवतपणा येतो. गंभीर आजारात अर्धांगवायू होता.