त्यानुसार पोलिसांनी तपासाची चक्रं फिरवली आणि मिरजेतील बेदाणा व्यापारी श्रीकृष्ण कोकरे याने साथीदारांच्या मदतीने अपहरण केल्याची माहिती कॉन्स्टेबल रामचंद्र कोळी यांना मिळाली. त्यानुसार पथकाने मिरजेतून कोकरे याला ताब्यात घेतलं. तसंच धीरज ऊर्फ हणमंत नामदेव पाटील (५६, राकवठेपिरान, ता. मिरज) आणि राजेंद्र परमेश्वर कट्टीमणी (३३, रा. कुपवाड एमआयडीसी, सांगली) यांनाही पोलिसांनी अटक करत अधिक चौकशी केली. या चौकशीत रागाच्या भरातून जीवे मारण्याच्या उद्देशानेच अपहरण केलं होतं, शिवाय दीड महिन्यापूर्वी एकदा त्यांनी अपहरणाचा प्रयत्न केलाचीही कबुली अटकेतील संशयितांनी दिली आहे. दरम्यान पोलिसांनी विशालची सुखरूप सुटका केली आहे.