माफी मागताना काय म्हणाले सोलापूरकर? संपूर्ण माफीनामा जसाच्या तसा-
बाबासाहेब आंबेडकर यांच्याविषयी मी काही वक्तव्य केल्याचा व्हिडीओ समाज माध्यमांमध्ये फिरत आहे. छत्रपती राजर्षी शाहू महाराजांची भूमिका करताना त्याच्यामध्ये एका प्रसंगात एक विषय होता. त्यात वेदांमधलं एक वाक्य आहे. धर्मोश्चर्या जगन्योवर्ण: पूर्णम पूर्णम वर्णम आपद्यते जातीपरिवृत्तव. याचा अर्थ कोण कुठल्या घरात जन्माला आला त्यावरुन त्याची जात ठरत नाही. तर तो काय कर्म करतो यावर जात ठरते. गुण कर्म विभागश: असं जे गीतेत म्हटलं आहे ते. त्याचा उल्लेख मुलाखतीत करताना दुसऱ्या मुलाखतीत मी ते म्हटलं होतं. मी अनेक ठिकाणी शाहू महाराजांवर व्याख्यानं दिली आहेत. तिथेही मी हेच सांगतो.
आधी शहांची भेट, मग राज्यपालांकडे राजीनामा; मणिपूरचे CM पायउतार, राज्यात हाय अलर्ट
समजा श्रीमंत थोरले बाजीराव पेशवे यांचा विचार केला. ते भट म्हणून जन्माला आले तरी त्यांनी हातात तलवार घेतल्यानं क्षत्रिय ठरतात. या न्यायानं मी म्हटलं होतं की रामजी सकपाळांचे चिरंजीव, भीमराव आंबेडकर हे अभ्यासानं इतके मोठे झाले की त्या अर्थानं ते ब्राह्मण ठरतात. हे वेदांमधलं जे वितरण आहे चातुर्वर्णाचं, त्याविषयी मी बोललो होतो आणि ते गुणकर्म विभागश: आहे, असं मी बोललो होतो. त्यातील दोन वाक्यं काढून आज पुन्हा काही लोकांची मनं कलुषित करण्याचा प्रयत्न केला जातोय.

मला प्रामाणिकपणे इतकंच सांगायचंय, गेली ४० वर्षे या जीवनात वावरत असताना, भारतरत्न डॉ. भीमराव आंबेडकर असतील, हिंदवी स्वराज्य संस्थापक शिवाजी महाराज असतील, स्वामी विवेकानंद असतील, श्रीमंत थोरले बाजीराव पेशवे असतील, स्वातंत्र्यवीर सावरकर असतील. अनेक विषयांवर मी जगभर व्याख्यानं देतो. या सगळ्या व्यक्तीमत्त्वांसमोर नतमस्तक होऊनच मी व्याख्यानं देतो. या सगळ्यांचा आदर्श घेऊनच मी पुढे जाण्याचा प्रयत्न आजपर्यंत केलेला आहे. ज्यांनी ज्यांनी माझी व्याख्यानं पाहिली, माझं वैयक्तिक आयुष्य पाहिलंय, त्यांना हे सगळं माहीत आहे. तरीही हे का केलं जातंय, याबद्दल मी अनभिज्ञ आहे.
Delhi Election Results: आपचा ‘तो’ नेता नेक्स्ट एकनाथ शिंदे! दिल्लीतील निकालानंतर सनसनाटी दावा; राजकीय वर्तुळात खळबळ
मला मनपूर्वक सांगायचंय की ज्या ज्या महामानवांना समोर ठेवून आपण जगत असतो, त्यांच्याविषयी कोणतंही वाईट वक्तव्य माझ्याकडून होणार नाही आणि जर कोणाला तसं वाटत असेल की माझ्याकडून तसं झालंय तर त्याबद्दल आताही मी पुन्हा एकदा जाहीर माफी मागतो. राहुल सोलापूरकर एक प्रामाणिक भारतीय आहे हे लक्षात ठेवा. माझ्याकडून कोणत्याही महाव्यक्तीमत्त्वाला कलुषित करण्याचा प्रयत्न स्वप्नातही होऊ शकणार नाही. पुन्हा एकदा मी जाहीर माफी मागतोय.

आंबेडकरांबद्दल काय म्हणालेले सोलापूरकर?
रामजी सकपाळ नावाच्या एका बहुजन घरात जन्माला आलेला एक भीमराव, जो एक आंबवडेकर नावाच्या एका गुरुजींकडून दत्तक घेतला जातो आणि त्यांचंच नाव घेऊन नंतर भीमराव आंबेडकर म्हणून मोठा होतो. त्यानं प्रचंड अभ्यास केल्यामुळे वेदांमध्ये जसं म्हटलेलं आहे. सब ब्रम्ह जानेती इति ब्राह्मण: म्हणजे अभ्यास करुन तो मोठा झालेला आहे. तसं त्या अर्थानं वेदानुसार भीमराव आंबेडकर ब्राम्हण ठरतात, असं वक्तव्य सोलापूरकर यांनी केलं होतं.