Palghar Crime: या घटनेला आठवडा उलटल्यानंतरही ही माहिती शिकाऱ्यांकडून गुप्त ठेवण्यात आली होती. त्यातही मृतांपैकी एकावर अग्निसंस्कार करण्यात आले. दुसऱ्याचा मृतदेह जंगलात गाडला होता.
जंगलपट्टीमधील बोरशेती, रावते, किराट, आकलोली या गावांतील दहा ते बारा जण २८ जानेवारी रोजी रानडुकराच्या शिकारीसाठी जंगलात गेले होते. शिकार झाल्यानंतर तिथेच जेवण करायचे ठरवून त्याकरता भांडीकुंडी व अन्य साहित्यही त्यांनी सोबत नेले होते. अमावास्येच्या रात्री बोरशेतीच्या जंगलात आंब्याचे पाणी या ठिकाणी रानडुक्कर तसेच पट्टेरी वाघ आणि विविध प्राणी पाणी पिण्यासाठी येत असल्याने या शिकाऱ्यांनी तिथे जाण्याचा बेत रचला. गावठी कट्टे तसेच गावठी ठासण्याची बंदूक घेऊन एक-एक जण ठरलेल्या ठिकाणी पोहोचला. 
Devendra Fadnavis: उद्योगांना त्रास दिल्यास थेट ‘मकोका’; मुख्यमंत्री देवेंद्र फडणवीस यांचा पोलिसांना आदेश
मध्यरात्रीच्या सुमारास शिकाऱ्यांना आवाज आला. एखादा प्राणी आल्याचे समजून एकाने गावठी कट्ट्यातून आवाजाच्या दिशेने गोळी झाडली. त्यात रमेश वरठा (६०, रा. बोरशेती) यांचा जागीच मृत्यू झाला. ही गोळी रमेश यांना छेदून महालोड नावाच्या एका सहकाऱ्याच्या पायावर लागली. या अनपेक्षित घटनेमुळे सर्व जण प्रचंड घाबरले आणि त्यांनी वरठा यांचा मृतदेह जंगलातच गाडला. अन्य चौघांनी महालोडा याला त्याच्या घरी नेले. तिथे त्याच्यावर गावठी उपचार करण्यात येत होते. मात्र ३१ जानेवारी रोजी त्याचा मृत्यू झाला. 
घोटाळ्याचे सूत्रधार कोण? ‘मढ’ अवैध बांधकाम प्रकरणी उच्च न्यायालयाची ‘एसआयटी’ला विचारणा
या घटनेबाबत स्थानिकांनी ४ फेब्रुवारी रोजी पोलिस ठाण्यात माहिती दिली. त्यावरून मनोर पोलिसांनी घटनेचा तपास सुरू केल्यानंतर रमेश वरठा यांचा मृतदेह सापडला, अशी माहिती पोलिस अधीक्षक बाळासाहेब पाटील यांनी दिली.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा