पुणे महानगरपालिका प्रमुख निवडणूक समन्वयक म्हणून वसंत मोरे यांच्यावर जबाबदारी देण्यात आली आहे. नुकतीच वसंत मोरे यांनी उद्धव ठाकरे यांची भेट घेतली होती. या भेटीनंतर वसंत मोरे यांच्या खांद्यावर ही धुरा देण्यात आली आहे. पुणे महापालिका निवडणुकीच्या तोंडावर ठाकरे गटाला गळती लागल्यानंतर वसंत मोरे यांच्यासमोर मोठं आव्हान आहे. जबाबदारी मिळताचं वसंत मोरे यांनी ‘आता लावा ताकद’ अशी प्रतिक्रिया दिली आहे.

शिवसेना (उद्धव बाळासाहेब ठाकरे) पक्षातील पुणे जिल्ह्यातील नवीन नियुक्त्या

प्रमुख निवडणूक समन्वयक : वसंत मोरे (पुणे शहर)
प्रभारी शहरप्रमुख : संजोग वाघेरे ( पिंपरी चिंचवड, भोसरी )
जिल्हा प्रमुख : उल्हास शेवाळे (पुरंदर, दौंड)
जिल्हा संघटक : बाळासाहेब लक्ष्मण फाटक ( चिंचवड, मावळ )
Uddhav Thackeray : उद्धवजी येईपर्यंत तरी थांबा ना, ठाकरे गटाच्या नेत्यांची ‘नाराजां’ना विनवणी; पण दोघा शिलेदारांची एक्झिट ठरली
लोणावळा, देहूगाव
शहर प्रमुख : परेश परशुराम बेडेकर ( लोणावळा )
शहर प्रमुख : राजेंद्र गुलाबराव मोरे (देहूगाव)
शहर प्रमुख : संदीप बंडू बालगरे ( देहूरोड )

ठाकरेंचा पुणे दौरा

दरम्यान, उद्धव ठाकरे हे फेब्रुवारीच्या शेवटच्या आठवड्यात पुणे दौऱ्यावर आहेत. या दौऱ्यात ते ठाकरे गटाच्या काही मोजक्या शाखांना भेट देणार आहेत. पुण्यात शिवसेनेच्या (उबाठा) २१ शाखा आहेत, त्यापैकी काही शाखांना उद्धव ठाकरे भेट देणार आहेत. या भेटीनंतर ते पुण्यातील सर्व शाखा प्रमुखांची एक संयुक्त बैठक घेणार आहेत. या बैठकीनंतर ठाकरे त्यांना संबोधित देखील करणार आहेत.
Uday Samant : ठाकरेंचे ६ खासदार पक्ष सोडण्याची चर्चा; उदय सामंत म्हणाले, मी कुठलंही मिशन सांगून राबवत नाही! पण एकूण १०-१२ जण…
दुसरीकडे, शिवसेना (उद्धव बाळासाहेब ठाकरे) पक्षाचे सहा खासदार उद्धव ठाकरे यांची साथ सोडणार असल्याची जोरदार चर्चा राजकीय वर्तुळात रंगली आहे. दोन्ही पक्षांकडून या वृत्ताला अधिकृत दुजोरा मात्र मिळालेला नाही.