Mumbai Fraud News: मालकिणीच्या विश्वासाला तडा देण्याचे कृत्य जुहू येथे एका नोकराने केल्याचे दिसून आले आहे. मोबाइलमधील पासवर्ड चोरून मालकिणीच्या खात्यामधून टप्याटप्प्याने आठ लाख रुपये नातेवाईकांच्या खात्यामध्ये वळविले.
जुहू येथील उच्चभ्रू कुटुंबात घरी तीन नोकर काम करतात. दोन दिवसापूर्वी महिलेने ऑनलाइन पोर्टलवरून कॉफी मागवली होती. काही वेळाने डिलिव्हरी बॉय घरी आला. त्याला ऑनलाईन पैसे देण्याचा महिलेने प्रयत्न केला. मात्र पैसे जात नव्हते. दिवसभरात एक लाखांची मर्यादा संपल्याचा तिला संदेश आला. हा प्रकार संशयास्पद वाटल्याने महिलेने ऑनलाइन व्यवहाराची माहिती घेतली. त्यावेळी तिच्या खात्यातून मोहन ला एक लाख रुपये ट्रान्स्फर झाल्याचे दिसले. याबाबतची माहिती तिने तीला दिली. पतीने मोहनला विचारणा केली असता तो उडवा उडवीची उत्तरे देऊ लागला.
घोटाळ्याचे सूत्रधार कोण? ‘मढ’ अवैध बांधकाम प्रकरणी उच्च न्यायालयाची ‘एसआयटी’ला विचारणा
पोलिसांमध्ये तक्रार करणार असल्याचे सांगताच मोहन पळू लागला. पळण्याच्या प्रयत्नांत तो दुसऱ्या मजल्यावरून खाली पडला. त्याला उपचारासाठी कूपर रुग्णालयात दाखल करण्यात आले. महिलेने विश्वासघात करणाऱ्या मोहन विरुद्ध जुहू पोलिस ठाण्यात तक्रार केली. मोहन याने मालकिणीच्या मोबाइलचा पासवर्ड पाहिला होता. त्याचा वापर करीत त्याने तिच्या खात्यातून ८ लाख रुपये वळते केल्याचे समोर आल्याचे पोलिसांनी सांगितले.
चुकून गोळी सुटली, दोघांचा मृत्यू; मित्राने एकावर अंत्यविधी उरकले, दुसऱ्याला पालघरच्या जंगलात गाडलं
किसननगरमध्ये मृत अर्भक
ठाणे : ठाण्याच्या किसननगर परिसरात मृत नवजात अर्भक आढळल्याचा प्रकार गुरुवारी समोर आला. पहिल्या मजल्यावरील खिडकीच्या पत्र्यावर हे बाळ आढळून आले. त्यामुळे परिसरात एकच खळबळ उडाली असून पोलिसांकडून बाळाच्या पालकांचा शोध सुरू आहे.
वागळे इस्टेट येथील किसन नगर क्रमांक एक येथे नवोदय इंग्लिश हायस्कूलच्या मागे खैरूनीसा अपार्टमेंट आहे. या इमारतीच्या पहिल्या मजल्यावर असलेल्या सदनिकेच्या खिडकीला लोखंडी ग्रील बसवले आहे. या ग्रीलवरील पत्र्यावर अर्भक पडल्याचे सकाळी समोर आले. या घटनेची माहिती श्रीनगर पोलिसांना देण्यात आली. पुरुष जातीचे हे अर्भक मृत असल्याचे स्पष्ट झाले. अवघ्या दोन ते तीन दिवसांपूर्वीच या बाळाचा जन्म झाल्याचा प्राथमिक अंदाज वर्तवण्यात आला असून श्रीनगर पोलिस अर्भकाच्या आई-वडिलांचा शोध घेत आहेत. 
सावधान! जलजन्य आजारांचा वाढतोय ताप; गेल्या वर्षी राज्यात ३९९१ जण बाधित, तर १५ जणांचा मृत्यू
दरम्यान, हे बाळ या इमारतीतून फेकले आहे की कोणीतरी येथे आणून ठेवले, या अनुषंगाने श्रीनगर पोलिस अधिक तपास करीत आहेत. त्यादृष्टीने या परिसरातील सीसीटीव्ही फुटेजही पोलिसांनी ताब्यात घेतले आहे. मृत अर्भकाच्या शरीरावर कोणत्याही जखमा प्रथमदर्शनी आढळून आल्या नाही. परिसरातील स्थानिक दवाखान्यातही पोलिसांनी चौकशी सुरू केली आहे.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा