सध्या राज्यभरात जीबीएस आजाराचे थैमान सुरू आहे. पुण्यानंतर राज्यातील विविध जिल्ह्यांमध्ये या आजाराचे लोण पसरले आहे. नंदुरबार जिल्हा रुग्णालयात जीबीएसच्या एका रुग्णावर उपचार सुरू आहेत. या बालिकेवर अतिदक्षता विभागात उपचार सुरू आहेत. तिला व्हेंटिलेटरवर ठेवण्यात आले आहे. या रुग्णाची प्रकृती चिंताजनक असल्याचे वैद्यकीय अधिकाऱ्यांनी सांगितले आहे.
Coins In Stomach: तरुणाला वेदना असह्य, डॉक्टरांकडून लगेच ऑपरेशन; पोटात सापडली ३३ नाणी अन् समोर आली भयानक कहाणी
अक्कलकुवा तालुक्यातील दोन संशयित रुग्णांना २५ जानेवारीला नंदुरबार येथील जिल्हा रुग्णालयात दाखल करण्यात आले होते. यापैकी अकरा वर्षीय बालिकेच्या अहवाल हा पॉझिटिव्ह आला आहे. तिची प्रकृती चिंताजनक असून तिला व्हेंटिलेटरवर ठेवण्यात आले आहे. या आजाराच्या पार्श्वभूमीवर जिल्ह्यातील आरोग्य यंत्रणा सतर्क झाली. या आजाराची लक्षणे आढळून आल्यास त्वरित डॉक्टरांचा सल्ला घ्यावा. हा आजार करोनासारखा संसर्गजन्य नाही, त्यामुळे नागरिकांनी घाबरून जाऊ नये, तर खबरदारी घ्याव, असे आवाहन आरोग्य विभागातर्फे करण्यात येत आहे.

आरोग्य विभागाची सतर्कता

जीबीएसच्या पार्श्वभूमीवर आरोग्य विभागातर्फे जिल्हा रुग्णालयात प्रौढांसाठी वीस तर लहान मुलांसाठी चार आयसीयू बेड तयार करण्यात आले आहेत. ज्या गावातून हे रुग्ण आढळले आहेत. त्या ठिकाणचे पाण्याची तपासणी देखील केली जाणार आहे.