BMC Budget 2025: उत्तुंग इमारतींमध्ये आगीचा सामना करण्यासाठी पारंपरिक अग्निशमन यंत्रणा प्रभावी ठरत नसल्याने, कॉम्प्रेस्ड एअर फोम सिस्टिम आणि ड्रोन यांसारख्या नवीन अग्निमशन यंत्रणा घेण्याचा निर्णय घेतला आहे.
मुंबईत आगी लागण्याची अनेक कारणे समोर येतात. सदोष वायरिंग, निष्काळजी धूम्रपान, सिलेंडर स्फोट, स्टोव्हचा भडका या बाबी आगी लागण्यासाठी कारणीभूत ठरतात. अनधिकृत वीजपुरवठा आणि त्यामुळे विजेचा भार ही कारणेही असतात. अनेक ठिकाणी विद्युत वायरिंगचे जाळे मोठ्या प्रमाणात पसरलेले दिसते. त्याकडे संबंधित विभाग किंवा सोसायटी तसेच झोपडीवासीही दुर्लक्ष करतात. त्यामुळे आगीच्या घटनांना सामोरे जावे लागते. सध्या अग्निशमन दलात विविध आधुनिक यंत्रणा कार्यरत असल्या, तरीही त्यापुढे जाऊन आणखी काही नवीन यंत्रणा स्वीकारण्याचे धोरण मुंबई अग्निशमन दलाने ठरवले आहे. अग्निशमन दलाच्या ताफ्यात वाहनांसह कॉम्प्रेस्ड एअर फोम सिस्टिम दाखल होणार आहे. पाण्याऐवजी फोमचा मारा पंपामार्फत केला जाणार आहे. 
Anjali Damania: मुंडेंच्या काळात २७५ कोटींचा कृषी घोटाळा; अंजली दमानिया यांचा गंभीर आरोप
सध्या उत्तुंग इमारतीसाठी अशी यंत्रणा दलाकडे नाही. ती खरेदी केली जाणार आहे. सुरक्षित अंतरावरून अग्निशमन करण्यासाठी अत्याधुनिक तंत्रज्ञानावर आधारित दोन फायर फायटिंग रोबो फ्रान्समधून आयात करण्यात आले आहेत. दाटीवाटीची लोकवस्ती आणि अरुंद रस्ते असलेल्या झोपडपट्टी भागात अग्निशमनासाठी वॉटर मिस्ट प्रणालीसह पाच मिनी वॉटर टेंडर ताफ्यामध्ये समाविष्ट करण्यात आले आहेत. अत्याधुनिक तंत्रज्ञानावर आधारित हायड्रॉलिक प्लॅटफॉर्म व हाय राइझ फायर फायटिंग प्रणाली असलेली सात प्रथम प्रतिसादात्मक वाहने खरेदी करण्याचे कार्यदिशही देण्यात आले आहेत. त्यापैकी तीन वाहने दाखल झाली असून उर्वरित वाहने मार्च २०२५ पर्यंत दाखल होणे अपेक्षित आहे. 
BMC Budget 2025: मुंबई महापालिकेचा ७४ हजार ४२७ कोटींचा अर्थसंकल्प सादर; यंदा १४ टक्क्यांनी वाढ
अग्निशमन दलात नवीन यंत्रणा
■ अत्याधुनिक तंत्रज्ञान असलेली ११ प्रथम प्रतिसादात्मक अग्निशमन वाहने, प्रकाश व्यवस्था, उच्च दाबाचे पाण्याचे पंप असणारी चार सहायक वाहने, सहा रोबोटिक लाइफ सेव्हिंग बॉइज, ३५ स्मोक एक्स्हॉस्टर व ब्लोअर इत्यादी खरेदी करणार
■ जुहू तारा रोड सांताक्रूझ पश्चिम, चेंबूर माहूल रोड व टिळक नगर येथे नवीन अग्निशमन केंद्रांचे बांधकाम लवकरच हाती घेण्यात येणार आहे.
■इमारती व बंदिस्त जागेमध्ये लागलेल्या आगींवर नियंत्रण मिळवण्यासाठी प्रशिक्षण देणारी सिम्युलेटर यंत्रणा एप्रिल २०२६पर्यंत कार्यान्वित होणे अपेक्षित आहे.
■ मुंबई सागरी किनारा मार्ग येथे दोन नवीन अग्निशमन केंद्रांची उभारणी
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा