नाशिकमध्ये भुजबळ यांनी माध्यमांशी संवाद साधला. सामाजिक कार्यकर्त्या अंजली दमानिया यांनी छगन भुजबळ धनंजय मुंडे यांचे मंत्रिपद खाली होण्याची वाट बघत असल्याचा आरोप केला होता. त्याला उत्तर देताना भुजबळ यांनी मुंडे यांचा राजीनामा घेणे योग्य होणार नसल्याचे आपण आधीच बोलल्याचे स्पष्ट केले. मुंडे यांची पाठराखण करताना भुजबळांनी दमानिया यांनी मुंडेंवर केलेल्या आरोपांवर भाष्य करणे मात्र टाळले. लाडकी बहीण योजनेत जे नियमांत बसतील, त्यांनी मदत घ्यावी.
Ladki Bahin Yojana: लाडक्या बहिणींनो लक्ष द्या, अंगणवाडी सेविकांना तुमच्या घरात ‘ती’ दिसली तर थेट लाभ रद्द
नियमांत न बसणाऱ्यांनी मदत सोडावी, असे सांगतानाच वर्तमानपत्रात जाहिरात देऊन नियमांचा खुलासा करता येईल. परंतु, ते कुणी करीत नाही, असा टोलाही त्यांनी लगावला. चारचाकी वाहन असलेल्या बहि‍णींनी मदत घेतली असेल, तर ती परत घेण्यात काही अर्थ नाही, असेही ते म्हणाले. नाशिकच्या पालकमंत्रिपदाचा प्रश्‍न मुख्यमंत्री देवेंद्र फडणवीस सोडवतील, असे सांगताना पालक सचिव, आयुक्त, जिल्हाधिकारी आदींनी मिळून कामाला सुरुवात केल्याचे सांगून पालकमंत्री नसले तरी काम होऊ शकते, असे त्यांनी अप्रत्यक्षपणे सुचविले.
मराठीच बोला कौतुके! आता सरकारी कार्यालयांत मराठी अनिवार्य; अन्यथा कर्मचाऱ्यांवर शिस्तभंगाची कारवाई
शिंगे बुजविण्यासाठी माणसे लागली असतील
मी सर्वसामान्य आणि मागासवर्गीयांसाठी लोकांमध्ये जाऊन काम करणारा माणूस आहे. मी नाराज नाही, तसेच राज्यपालपदासाठी कुठलीही ऑफर नसल्याचेही भुजबळांनी स्पष्ट केले. कामाख्या देवीला रेडे कापले, त्यांची शिंगे वर्षा बंगल्याचा लॉनमध्ये खोदकाम करून पुरल्याचा आरोप खासदार संजय राऊत यांनी केला होता. त्यावर एकनाथ शिंदे गाडू शकत नाहीत, कुठे गाडले ते काढावेत. गाडण्यासाठी दहा ते बारा माणसे नक्की लागली असतील, असेही भुजबळ म्हणाले.