Badlapur 4 Year Old Boy Dies in Neral : बदलापुरातील ४ वर्षीय चिमुकल्याचा मृत्यू झाल्याची दुर्दैवी घटना घडली आहे. आईची नजर चुकवून चिमुकला काही मिनिटं बाजूला झाला आणि आक्रित घडलं. या घटनेने परिसरात हळहळ व्यक्त होत आहे.
ओव्हरटेक केल्याचं क्षुल्लक कारण, हेल्मेटने डोक्यावर वार; तक्रार करायला पोलीस स्टेशनात गेले अन् तिथेच जीव सोडलाबदलापूर वेस्ट जवळील शनिमंदिर परिसरातील मनोहर निवास इमारतीत राहणारे निवाळकर हे चार वर्षीय आयांश मुलगा आणि आई असे फिरण्यासाठी आपल्या मैत्रिणींसोबत शनिवारी १ फेब्रुवारी २०२५ रोजी सकाळी ११ वाजण्याच्या सुमारास नेरळ इथे आले होते. निवाळकर आणि त्यांच्या मैत्रिणी या नेरळ जवळील कोल्हारे ग्रामपंचायत हद्दीतील आशीर्वाद व्हिला या फार्महाऊसवरील बंगल्यात वस्तीला राहिले होते. त्यांच्या सोबत त्यांची लहान मुलं देखील होती. सर्व पाच महिला आणि एक व्यक्ती तसंच सोबत लहान पाच मुलं असा हा ग्रुप होता.
वडिलांसोबत दुचाकीवरुन घरी निघालेली, रस्त्यात ट्रकची धडक आणि अनर्थ घडला; चिमुकलीच्या निधनाने अकोल्यात हळहळ दरम्यान, दुपारचं जेवण करून या महिला बंगल्याच्या टेरेसवर गप्पागोष्टी करण्यासाठी बसले होते. त्यावेळी लहान मुलं बाजूला खेळत होती. यावेळी निवाळकर यांचा चार वर्षीय मुलगा आयांश आईची नजर चुकवत बंगल्यामध्ये असणाऱ्या स्विमिंग पूलजवळ गेला. तो तिथे पाण्यात पडला. ही घटना सायंकाळी चार वाजण्याच्या सुमारास घडली होती. जवळपास १५ मिनीटं हा मुलगा पाण्यात पडून होता. मुलगा कुठे दिसत नसल्याने सर्वजण मुलाचा शोध घेत होते. त्यावेळी मुलगा स्विमिंग पूलच्या पाण्यात पडल्याचं दिसलं आणि आईने एकाच टाहो फोडला.चार वर्षीय मुलाला तात्काळ नेरळ प्राथमिक आरोग्य केंद्रात नेलं असता, पाण्यात बुडाल्याने मुलाचा गुदमरून मृत्यू झाल्याचं नेरळ प्राथमिक आरोग्य केंद्रातील उपस्थित डॉक्टरांनी सांगितलं.
फार्महाऊसवर पिकनिकसाठी गेले, आनंदाचा क्षण दु:खात बुडाला; आईची नजर चुकवत चिमुकला गेला अन् आक्रित घडलं
एकूणच स्विमिंग पूल परिसरात कुठलेही सुरक्षा फार्म हाऊस मालकाने ठेवली नसल्याचं समोर आलं आहे. निवाळकर कुटुंबात ९ वर्षाने मुलगा जन्माला आला होता, अशी माहिती देखील समोर आली आहे. यावेळी नेरळ पोलीस घटनास्थळी दाखल झाले होते. नेरळ पोलीस ठाण्यात आकस्मित मृत्यूची नोंद करण्यात आली आहे. याबाबत पुढील तपास हा नेरळ पोलीस ठाण्यातील पोलीस नाईक युवराज साळुंखे हे करत आहेत.
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड.… आणखी वाचा