उपमुख्यमंत्री एकनाथ शिंदे यांचे चिरंजीव आणि खासदार श्रीकांत शिंदे यांचा वाढदिवस जोरदार साजरा करण्यात आला. रात्री बारा वाजता ठाण्यातील त्यांच्या शुभ-दीप निवासस्थानाबाहेर कार्यकर्त्यांनी शुभेच्छा दिल्या आणि मंत्री तसेच कार्यकर्त्ये यावेळी मोठ्या संख्येने उपस्थित होते.
श्रीकांत शिंदे यांचा वाढदिवस धुमधडाक्यात साजरा
श्रीकांत शिंदे येताच कार्यकर्त्यांनी बार बार ये दिन आये… बार बार ये दिल गाये तुम जियो हजारो साल…हे गाणे म्हटले. सर्वांच्या शुभेच्छांचा स्वीकार करताना शिंदे दिसले. कार्यकर्त्यांनी श्रीकांत शिंदे यांच्यासोबत फोटो काढण्यासाठी झुंबड उडवली. शिवसेनेचे मंत्री योगेश कदम आणि युवासेनेचे कार्याध्यक्ष पूर्वेस सरनाईक, विहंग सरनाईक, मंत्री दीपक केसरकर हे देखील रात्री श्रीकांत शिंदेंना शुभेच्छा देण्यासाठी पोहोचले होते.
मुख्यमंत्रिपद टिकू नये, वर्षा बंगल्याच्या लॉनमध्ये रेड्याची मंतरलेली शिंगं, संजय राऊत यांचा खळबळजनक आरोपरात्री कार्यकर्त्यांनी दिले शिंदेंना मोठा सरप्राईज
मंत्री दीपक केसरकर यांच्याकडून श्रीकांत शिंदे यांना गुच्छ देऊन शुभेच्छा देण्यात आल्या. शुभ-दीप निवासस्थानाबाहेर श्रीकांत शिंदे यांना शुभेच्छा देणारे अनेक बॅनर कार्यकर्त्यांनी लावल्याचे बघायला मिळाले. फक्त शुभ-दीप निवासस्थानाबाहेरच नाहीतर ठाण्याच्या अनेक भागांमध्ये वाढदिवसाच्या शुभेच्छांचे बॅनर लावण्यात आले. श्रीकांत शिंदे यांच्या वाढदिवसानिमित्त कार्यकर्त्यांमध्ये मोठा उत्साह बघायला मिळतोय.
बार बार दिन ये आये गाणे म्हणत शुभेच्छांचा वर्षाव
शुभ दीप निवासस्थानी खास विद्युत रोषणाई देखील श्रीकांत शिंदेंच्या वाढदिवसानिमित्त करण्यात आलीये. गेल्या काही दिवसांपासून सतत चर्चा रंगताना दिसतंय की, एकनाथ शिंदे हे नाराज आहेत. महायुतीचे सरकार आल्यानंतर एकनाथ शिंदे यांनाच मुख्यमंत्री केले जाईल, असे भाजपाकडून सांगण्यात आले होते. मात्र, भाजपाने आपला शब्द पाळला नसल्याने शिंदे नाराज असल्याचे सांगितले जातंय. रायगड आणि नाशिकच्या पालकमंत्रिपदाचा तिढा अजून सुटलेला नाहीये. मात्र, यावर शिंदेना माैन बाळगले आहे.
लेखकाबद्दलशितल मुंढेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. राजकीय, मनोरंजन, शिक्षण आणि क्राईम बातम्यांमध्ये विशेष आवड. लोकमत आणि टीव्ही 9 मराठीसह पत्रकारिता क्षेत्रात 6 वर्षांचा अनुभव.… आणखी वाचा