सीमा कांबळे असं मृत महिलेचं नाव आहे. ती अंबरनाथच्या बारकूपाड्यात वास्तव्यास होती. राहुल भिंगारकर नावाच्या तरुणानं तिची सुऱ्यानं सपासप वार करुन हत्या केली. पोलिसांनी दिलेल्या माहितीनुसार, सीमा कांबळेनं राहुलला काही पैसे हातउसने दिले होते. ते पैसे तो परत करत नव्हता. त्या पैशांसाठी सीमानं तगादा लावला होता. त्यातून राहुलनं सीमा कांबळे यांची हत्या केली.
अशी ही बनवाबनवी! तब्बल ७ वर्षे ‘शुद्ध हलकटपणा’; साफसफाईवेळी ‘ते’ दार पाहून मालकाला झटका
सीमा कांबळे विवाहित होती. पण ती पतीपासून वेगळी राहत होती. तिचे राहुलसोबत प्रेमसंबंध होते. राहुलनं सीमाकडून काही पैसे उधार घेतले होते. ते पैसे राहुल परत करत नव्हता. त्या पैशांसाठी सीमानं राहुलकडे तगादा लावला होता . पैसे परत कर नाही तर माझ्याशी लग्न कर, असा तगादा सीमानं राहुलच्या मागे लावला होता. राहुलनं त्याच कारणावरुन सीमाची भररस्त्यात हत्या केली.

अंबरनाथच्या पूर्व आणि पश्चिमेला जोडणाऱ्या पुलावर जाण्यास एक जीना आहे. त्या जिन्यावरुन चढल्यावर अंबरनाथ पूर्व आणि पश्चिमेला जोडणारा पूल लागतो. या परिसरात बरीच वर्दळ असते. त्याच जीन्यावर राहुलनं सीमावर सुऱ्यानं वार केले आणि दिवसाढवळ्या तिची हत्या केली. पोलिसांनी राहुलला ताब्यात घेतलं आहे. त्याची चौकशी सध्या सुरु आहे. दिवसाउजेडी हत्या झाल्यानं परिसरात एकच खळबळ उडाली आहे.
ठाकरेंचा अखेरचा बालेकिल्ला भेदण्यासाठी विकेंद्रीकरणाचा डाव; शिंदेंचा प्लान ठरला
दुपारी तीन ते सव्वा तीनच्या सुमारास सीमा कांबळेची हत्याा झाली. गंभीर जखमी झालेली सीमा जिन्यावर रक्ताच्या थारोळ्यात पडली होती. पोलिसांनी तिला रुग्णालयात दाखल केलं. पण पोलिसांनी सीमाला मृत घोषित केलं. हल्लेखोर राहुल पोलिसांच्या ताब्यात आहे. पोलीस त्याची चौकशी करत आहेत.