मृत विद्यार्थी मु. खोरेपाडा, ता. जव्हार, जि. पालघर येथील राहणारा होता. शाळेची पटसंख्या भरण्यासाठी तालुका आणि जिल्ह्याबाहेरील आदिवासी विद्यार्थी हे आणले जातात. मात्र शासकीय अनुदान लाटण्यासाठी या विद्यार्थ्यांच्या आरोग्य, दैनंदिन गरजा, सुरक्षितता याकडे पुर्णपणे दुर्लक्ष केलं जात आहे. या सर्व निवासी मुलांवर लक्ष ठेवण्याची जबाबदारी ही या शिक्षक आणि अधिक्षकांवर असते. परंतु शाळेतील विद्यार्थी भरदिवसा शाळेबाहेर जाऊन आत्महत्या करतो, तरी शाळेतील अधीक्षक अणि मुख्याध्यापक यांना याची कल्पना नव्हती. या घटनेवेळी अधिक्षक आणि मुख्याध्यापक हे शाळेत उपस्थित नसल्याची माहिती शाळेतील काही विद्यार्थ्यांना विचारलं असता मिळाली आहे. पोलिसांकडून पुढील तपास सुरू आहे.