मिळालेल्या माहितीनुसार, शनिवारी रात्री हरिद्वारहून 55 वर्षीय महिला तिच्या नातेवाइकांसह वांद्रे टर्मिनस येथे उतरली. त्यानंतर तिचे नातेवाईक काही कामानिमित्त स्टेशन बाहेर गेले होते. त्यावेळी ती प्लॅटफॉर्मवर थोडा वेळ झोपली. मात्र, झोप अनावर होत असल्याने ती समोर उभ्या असलेल्या रिकाम्या ट्रेनमध्ये जाऊन झोपली. त्यावेळी त्याठिकाणी काम करत असलेल्या हमालाने तिला पाहिले. थोड्या वेळाने तो हमाल आत ट्रेनमध्ये शिरला.

Shirdi Double Murder : साई संस्थानच्या दोघा कर्मचाऱ्यांना एकाच दिवशी संपवलं, दोन वेगवेगळ्या ठिकाणी बॉडी, शिर्डीत खळबळपोलिसांनी लावला काही तासांमध्ये छडा

महिलेवर त्याने बलात्कार केला. त्यानंतर हमाल तिथून पळून गेला. महिलेने नातेवाईक आल्यानंतर घडलेला सर्वप्रकार सांगितला. बलात्काराची घटना घडल्यानंतर महिलेच्या नातेवाईकाने रेल्वे पोलिसांशी संपर्क साधला. पोलिसांनी स्टेशनवरील सीसीटीव्ही कॅमेऱ्यांमधील फुटेजच्या आधारे हमालाचा शोध घेत आरोपीला अटक केली आहे. आरोपीला न्यायालयात हजर करण्यात आले असून कोर्टाने त्याला पोलिस कोठडी सुनावली आहे. मात्र, या घटेनेने सर्वांनाच धक्का बसला.

वांद्रे टर्मिनसवरमध्ये धक्कादायक प्रकार

प्रत्येक प्लॅटफॉर्मवर पोलीस कर्मचारी असतात. परंतु या प्लॅटफॉर्मवर कोणीच सुरक्षा कर्मचारी का उपस्थित नव्हता. यावर अंतर्गत चौकशीचे आदेश देण्यात आले आहेत. तसेच, प्लॅटफॉर्मच्या प्रभारींवर कारवाई होण्याची शक्यता आहे. या घटनेने मुंबई शहर पुन्हा एकदा हादरले आहे. महिलांच्या सुरक्षेसंदर्भात प्रश्नचिन्ह उपस्थित केले जात आहे. याआधीही मुंबई लोकलमध्ये एका तरुणीवर बलात्कार करण्यात आल्याची घटना घडली होती. त्यामध्येच आता हा धक्कादायक प्रकार घडलाय.