सिंधुदुर्ग जिल्हा नियोजन समितीत राणे कुटुंबियांचे वर्चस्व पाहायला मिळतंय. तर जिल्हा नियोजन समिती सभा ओरोस इथल्या नियोजन बैठकीला सुरुवात होताच नारायण राणेंचे चिरंजीव आमदार निलेश राणे आक्रमक झालेले दिसून आले. खासदार नारायण राणे यांचे सुपुत्र पालकमंत्री नितेश राणे यांच्या अध्यक्षतेखाली नियोजन समिती सभा सुरू झाली. आपल्या मुलाच्या अध्यक्षतेखाली खासदार नारायण राणे पहिल्यांदाच या नियोजन समिती सभेत उपस्थित राहिले. आमदार निलेश राणे, दीपक केसरकर आणि निरंजन डावखरे यांच्यासह जिल्हातील सर्वच खात्यातील अधिकारी या सभेला उपस्थित राहिले. तर पहिल्याच वेळी जिल्हा नियोजन समितीच्या सभेत आमदार निलेश राणे यांनी मागील वर्षाच्या १३ कोटींच्या उर्वरित रक्कमेबाबत नियोजन अधिकाऱ्यांना फैलावर घेतलं.