मीना गाडेकर (रा. खामगाव रोड, बाळापूर, जि.अकोला), अभय पाटील (तिरंगा चौक, इस्मालपूर, जि. सांगली), मनीषभाई पुरुषोत्तमभाई उमेरठिया (रा. सुरत, गुजरात) समाधान विठ्ठलराव कसबे, प्रतिभा कसबे अशी गुन्हा दाखल करण्यात आलेल्यांची नावे आहेत. महादेव भीमाजी दुधे (वय ८०, रा. शाहाकार लेआउट, वानाडोंगरी) यांनी दिलेल्या तक्रारीवरून हा गुन्हा दाखल करण्यात आला. मीना ही महादेव दुधे यांची मुलगी आहे. दुधे हे एमएसईबीमध्ये विभागीय लेखापाल होते. मे २०२२मध्ये मीना ही आपल्या माहेरी म्हणजेच दुधे यांच्या घरी आली.
नाग नदीला २९५ कोटींचे बळ! केंद्रीय अर्थसंकल्पात तरतूद, गेल्यावर्षी मिळाले होते ५०० कोटी
‘मी सुरतमधील साई फायनान्स कंपनीत काम करते. कंपनीत रक्कम गुंतविल्यास अधिक नफा मिळेल. कंपनीत ५० लाख रुपये गुंतविल्यास ५ कोटी रुपये मिळतील’, असे आमिष तिने वडिलांना दाखविले. दुधे यांच्या मुलाला आयुर्वेदिक औषधांचा व्यवसाय करायचा असल्याने त्यांना पैशाची गरज होती. मुलीनेच सांगितल्याने त्यांचा विश्वास बसला. त्यानंतर मीना व अन्य चौघांनी दुधे यांची भेट घेतली, त्यांचा विश्वास संपादन केला.