आरोपी डॉक्टरला अटक केल्यानंतर चिथावणी देणाऱ्या २७ वर्षीय मेहुणीलाही पोलिसांनी बेड्या ठोकल्या. दोघांनाही पोलिस कोठडी ठोठावण्यात आली आहे. मोताळा तालुक्यातील दाभाडी येथे १८ जानेवारीच्या रात्री डॉ. टेकाडे यांच्या घरावर दरोडेखोरांनी दरोडा घातल्याची माहिती बोराखेडी पोलिसांना मिळाली होती. डॉक्टरची पत्नी माधुरी टेकाडे यांची दरोडेखोरांनी उशीने तोंड दाबून किंवा गुंगीचे औषध देऊन हत्या केली असावी, असा कयास लावण्यात आला होता. तर डॉ. टेकाडे बेशुद्ध होता. त्याच्यावर जळगाव खान्देश येथील रुग्णालयात उपचार सुरू होते. पोलिस अधीक्षकांसह वरिष्ठ पोलिस अधिकाऱ्यांनी घटनास्थळाची पाहणी केली.
Girish Mahajan: मला नाशिकचा पालकमंत्री करा; गिरीश महाजन यांचे मुख्यमंत्र्यांना साकडे
अकोला येथील श्वान पथक, फॉरेन्सिक युनीटही दाखल झाले होते. रुग्णालयातून सुटी झाल्यानंतर डॉक्टर तपासात सहकार्य करीत नव्हता. त्यातच घटनास्थळावरील परिस्थिती पोलिसांना वेगळी भासत असल्याने सुरुवातीपासूनच संशय होता. घटनेच्या दुसऱ्या दिवशी घराची झडती घेतली असता सोन्या, चांदीचे दागिने तसेच रोख रक्कम सापडली. दरोडा पडला, मग मृत माधुरी व डॉ. गजाननच्या अंगावर मारहाणीच्या किंवा जबरदस्तीच्या खुणा का नाहीत, असा प्रश्न पडल्यामुळे पोलिसांचा डॉक्टरवरील संशय पक्का होत गेला. अखेर दाभाडीतील या बनावट दरोड्याची ‘रिअल स्टोरी’ उघड करण्यात पोलिसांनी यश मिळविले.
Eknath Shinde: पुण्यात शिवसेना आणखी मजबूत होणार; उपमुख्यमंत्री एकनाथ शिंदे यांचे सूचक विधान
अॅसिडिटीच्या नावाखाली दिल्या झोपेच्या गोळ्या
रुग्णालयात असताना आरोपी गजानन टेकाडे पोलिसांना वेगवेगळे बयाण देत होता. घरातील कोणतेही मौल्यवान दागिने, साहित्य चोरीस गेले नव्हते. त्यामुळे २९ जानेवारी रोजी टेकाडेला ताब्यात घेण्यात आले. कसून चौकशी केली असता आरोपीने धक्कादायक माहिती कथन केली. मेहुणीसोबत दुसरे लग्न करायचे होते म्हणून पत्नीला अॅसिडिटीच्या औषधीच्या नावाखाली झोपेच्या गोळ्या दिल्या आणि झोपेत उशीने तोंड दाबून तिची हत्या केली, अशी कबुली दिली. स्वतःला वाचविण्यासाठी घरामध्ये दरोडा पडल्याचे नाट्य रचले, अशी माहितीही पोलिसांनी दिली.