उपमुख्यमंत्री एकनाथ शिंदे आणि मनसे अध्यक्ष राज ठाकरे हे आज एकाच मंचावर दिसले. इमारतीच्या भूमीपूजनाच्या कार्यक्रमात हे दोन्ही नेते एकाच मंचावर एकत्र दिसले. माहीम विधानसभा मतदारसंघाच्या निवडणुकीवरुन दोन्ही नेत्यांमधील संबंध ताणले गेलेले होते. पण त्यानंतर आज हे दोन्ही नेते पुण्यात एकत्र येताना दिसले आहेत.या कार्यक्रमाची वेळ ही आज दुपारी 4 वाजेची होती. त्यामुळे राज ठाकरे वेळेवर पोहोचले. पण एकनाथ शिंदे यांना काही कारणास्तव उशिर झाला. ते ५ वाजेच्या दरम्यान कार्यक्रमस्थळी पोहोचले. यावेळी राज ठाकरे हे एकनाथ शिंदे यांच्या स्वागतासाठी गेले. त्यांनी एकनाथ शिंदे यांच्यासोबत हस्तांदोलन केलं आणि स्मितहास्य देखील दिलं. त्यानंतर दोन्ही नेते एकाच गाडीने मंचाच्या ठिकाणी पोहोचले. या कार्यक्रमाच्या निमित्ताने दोन्ही नेत्यांमध्ये थोडासा संवाद देखील झाला.