बीड येथील मस्साजोग गावाचे सरपंच संतोष देशमुख यांच्या हत्येतील आरोपी वाल्मिक कराड याच्याशी असलेल्या जवळीकीमुळे धनंजय मुंडे अडचणीत आले आहेत. मुंडे राष्ट्रवादी काँग्रेसचे ज्येष्ठ नेते व अन्न आणि नागरी पुरवठामंत्री असून, विरोधकांकडून सातत्याने त्यांच्या राजीनाम्याची मागणी होत आहे. या पार्श्वभूमीवर त्यांनी हा पवित्रा घेतला.

‘या प्रकरणी मी दोषी आहे असे मुख्यमंत्री फडणवीस व उपमुख्यमंत्री अजित पवार यांना वाटत असेल, तर त्यांनी माझा राजीनामा मागावा, मी माझ्या मंत्रिपदाचा राजीनामा देईन. मला गेल्या ५१ दिवसांपासून लक्ष्य केले जात असून, मी दोषी आहे की नाही हे फडणवीस व पवार यांनीच ठरवावे,’ असे ते म्हणाले.
राज्यात घरे-मालमत्ता महागणार! स्वप्नाच्या घरासाठी आता मोजावी लागतील जास्त पैसे, कारण…
या गुन्ह्यात मुंडे यांच्याविरोधात माझ्याकडे ठोस पुरावे असून, मी ते अजित पवार यांच्याकडे सोपवले आहेत, अशी माहिती सामाजिक कार्यकर्त्या अंजली दमानिया यांनी दिल्यानंतर मुंडे यांच्या राजीनाम्याची मागणी तीव्र झाली आहे. मात्र, अजित पवार यांनी मुंडे यांचा बचाव केला आहे. ‘मुंडे यांनी नैतिक आधारावर राजीनामा द्यावा,’ अशी मागणी खासदार सुप्रिया सुळे यांनी केली होती.
ई़डीची मोठी कारवाई; मुंबई, सातारा, रायगडसह उत्तराखंडमध्ये छापेमारी, ७९ कोटींची मालमत्ता जप्त
‘समर्थकांप्रति मी प्रामाणिक’
‘या प्रकरणाशी माझा काहीही संबंध नाही. नैतिकदृष्ट्या दोषी नसल्याने मी राजीनामा देण्याची गरज नसून माझ्या समर्थकांप्रति मी प्रामाणिक आहे. मी नेहमीच प्रामाणिकपणे बोलतो,’ असे मुंडे यापूर्वी म्हणाले होते. मुंडे यांनी नैतिक आधारावर राजीनामा द्यावा, अशी मागणी राष्ट्रवादी काँग्रेस शरदचंद्र पवार पक्षाच्या खासदार सुप्रिया सुळे यांनी केली होती.
अरे हे काय? बुलढाण्यात गरोदर महिलेच्या सोनोग्राफी रिपोर्टने डॉक्टरही चकित, गर्भाच्या पोटात दिसलं भलतंच
पक्षाला अडचणीत आणू नका-अजित पवार
स्थानिक स्वराज्य संस्थांच्या निवडणुका जाहीर होण्याची शक्यता आहे. त्या पार्श्वभूमीवर कोणत्याही प्रकारे वाद निर्माण होईल किंवा पक्षाला अडचण निर्माण होईल अशा बाबी पूर्णपणे टाळाव्यात, अशी सूचना उपमुख्यमंत्री अजित पवार यांनी ‘देवगिरी’ येथे पार पडलेल्या बैठकीत मंगळवारी दिली.