Suresh Dhas Allegation on Dhananjay Munde : संतोष देशमुख हत्या प्रकरण भाजप आमदार सुरेश धस यांनी लावून धरले आहे. याप्रकरणी वाल्मिक कराडांचे नाव समोर येताच ते धनंजय मुंडेंवर रोज नवे आरोप करत असल्याचे पाहायला मिळत आहे. यातच पुन्हा धसांनी मुंडेंवर गंभीर आरोप करत त्यांना घेरले आहे.
सुरेश धस यांनी टाइमलाईनच मांडली
३० डिसेंबर २०२१ – सार्वजनिक बांधकाम विभागातून २ कोटी ३१ लाख
१८ मार्च २०२२ – कार्यकारी अभियंता जिल्हापरिषद बांधकाम विभाग १० कोटी ९८ लाख
२५ मार्च २०२२ – कार्यकारी अभियंता सार्वजनिक बांधकाम विभाग आंबाजोगाई ६ कोटी ५९ लाख
२६ मार्च २०२२- कार्यकारी अभियंता बांधकाम विभाग जिल्हा परिषद क्रमांक -२ १६ कोटी ४८ लाख रुपये
३१ मार्च २०२२ – कार्यकारी अभियंता बांधकाम विभाग जिल्हा परिषद बीड, १ कोटी ३४ लाख
अशी एकूण ३७ कोटी ७० लाख रुपयांच्या कामांची बोगस बिलं उचलण्यात आली संजय मुंडे कार्यकारी अभियंता दाखवण्यात आले. पण ते खरंतर डेप्युटी इंजिनियर होते परळीला. त्याचदिवशी त्यांना कार्यभार देण्यात आला होता आणि त्यांनीच ही बिलं उचलून दिली होती. ३७ कोटी ७० लाख पहिल्या टप्प्यात उचलले आहेत. पण एक रुपयाचंही काम झालेलं नाही. सार्वजनिक बांधकाम विभागांतर्गत कामांसाठी जानेवारी २०२३ मध्ये ९ कामांसाठी १५ कोटी उचलण्यात आले होते. तर तिसऱ्या टप्प्यात ६ कोटी रुपयांचे कामं मंजूर केल्याचं दाखवण्यात आलं. तर परळीतील आणखी एका रस्त्याच्या कामासाठी ५ कोटी उचलण्यात आले. अशाप्रकारे धसांनी पूर्ण हिशोबच मांडला आहे. 
Sanjay Raut : धनंजय मुंडेंच्या दिल्ली दौऱ्याबाबत संजय राऊतांचं मोठं विधान, शेवटी अमित शहा…
सुरेश धस पुढे म्हणाले, ‘७३ कोटी ३६ लाख उचलणं काही छोटी गोष्ट नाही ना राव, यात अख्ख्या जिल्ह्याच्या शाळा बांधून झाल्या असत्या. रस्त्यांसाठी तुम्ही ७३ कोटी उचलता म्हणजे काय? यासाठी जिल्ह्याचे बाप झाला आहात का? यामुळे तर कोट्यावधींचे मालमत्ता गोळा करत आहात.’
तर सुरेश धसांनी पुढे असेही नमूद केले की, नियोजन विभागाचे लोकही चक्रावतील यांचे प्लॅनिंग पाहून, डीपीडीसीचे पैसे कलेक्टरकडून बीएनसीला पाठवायचे, बीएनसीकडून जिल्हा परिषदेला पाठवायचे. हे पैसे डिसेंबर पासून डम्प करायला सुरुवात केली. डिसेंबर ते मार्चपर्यंत पैसे डम्प केले आणि २५ जानेवारीला ते जिल्हा परिषदेतून काढून घेतले आणि ते नंतर जिल्हा परिषदेतून ते पुन्हा ट्रॉसफर केले. पण बीएनसीला दुसऱ्या वर्षात हे पैसे वापरण्याची परवानगी नाही.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा