भाजप आमदाराच्या लेकीच्या लग्नात उद्धव ठाकरेंची भाजप नेत्याशी भेट

भाजप आमदार पराग अळवणी यांच्या मुलीचा लग्नसोहळा पार पडला. मुंबईतील एका पंचतारांकित हॉटेलमध्ये हा विवाह होता. या लग्नसोहळ्यासाठी उद्धव ठाकरे वधू-वरांना शुभार्शीवाद देण्यासाठी पोहोचले होते. उद्धव ठाकरेंसोबत विधान परिषदेचे आमदार मिलिंद नार्वेकर आणि माजी खासदार विनायक राऊतदेखील उपस्थित होते. पराग अळवळी यांच्या लेकीच्या या लग्न समारंभात भाजपचे चंद्रकांत पाटील देखील उपस्थित होते. याचवेळी उद्धव ठाकरे आणि चंद्रकांत पाटील यांनी भेट झाली. त्याशिवाय दोघांमध्ये राजकारणावरही चर्चा झाल्याची माहिती आहे. मिलिंद नार्वेकर आणि चंद्रकांत पाटील यांचीही चर्चा झाल्याची माहिती आहे.
ठाण्यात ‘जनता दरबार’वरुन महायुतीत राजकीय कलगीतुरा, आम्ही पालघरमध्ये जनता दरबार घेऊ : नरेश म्हस्के

राजकीय वर्तुळात एकच चर्चा

उद्धव ठाकरे आणि चंद्रकांत पाटील या विरोधी पक्षातील नेत्यांनी एकमेकांवर मोठी टीका केली आहे. उद्धव ठाकरेंनी चंद्रकांत पाटलांवर अनेकदा टीका केली आहे. तर चंद्रकांत पाटील यांनीही उद्धव ठाकरे गटावर नेहमीच निशाणा साधला आहे. असं असताना या दोन नेत्यांची भाजप नेत्याच्या लेकीच्या लग्नात उपस्थित राहून एकमेकांची भेट घेत काही वेळ संवाद, चर्चा केल्याने राजकीय वर्तुळात अनेकांच्या भुवया उंचावल्या आहेत. तसंच भाजप आणि उबाठा शिवसेना गटाच्या युतीचीही चर्चा सुरू झाली आहे.
Mahakumbh Mela Stampede : महाकुंभ मेळ्यात झालेली चेंगराचेंगरी म्हणजे प्रशासनाने केलेली हत्या, संजय राऊतांचा गंभीर आरोप

दरम्यान, उद्धव ठाकरेंनी महायुती सरकार स्थापन झाल्यानंतर नागपुरात हिवाळी अधिवेशना दरम्यान देवेंद्र फडणवीसांची भेट घेतली होती. त्याशिवाय चंद्रकांत पाटील यांनी विधानभवनातील विरोधी पक्षनेते अंबादास दानवे यांच्या कार्यालयात उद्धव ठाकरेंची भेट घेतली होती. त्यावेळीही दोघांच्या भेटीची एकच चर्चा झाली होती. त्यानंतर आता पुन्हा झालेल्या या भेटीची चर्चा होताना दिसते आहे.