Baramati Tandulwadi Accident News : बारामतीमधील तांदूळवाडी भागात एका अपघातात विद्यार्थ्याचा दुर्दैवी मृत्यू झाला आहे. या घटनेने परिसरात हळहळ व्यक्त होत आहे.
नेमकं काय घडलं?
बारामती येथील तांदूळवाडी भागातील रोडवर एका चार चाकी हायवा डंपरने एका विद्यार्थ्याला चिरडल्याची घटना शुक्रवारी दुपारी घडली आहे. या अपघातात विद्यार्थ्यांचा मृत्यू झाला आहे. जुनेद झारी असं अपघातात मृत्यू झालेल्या विद्यार्थ्याचं नाव असून तो बारामती तालुक्यातील तांदूळवाडी गावचा असल्याची माहिती मिळते आहे. तो बारामतीमधील टीसी कॉलेजमध्ये जुनेद झारी हा इयत्ता बारावीच्या वर्गात शिकत होता. तांदूळवाडी बारामती मार्गावर रेल्वे गेट बोगद्या शेजारच्या वळणावर हा अपघात झाला आहे.
पुण्यात गुइलेन-बॅरे सिंड्रोमचे नवे रुग्ण, एकाचा मृत्यू, तर १३ व्हेंटिलेटरवर; लक्षणं काय? नागरिकांना घाबरुन जाऊ नये, उपमुख्यमंत्र्यांचं आवाहन
तुळजाराम चतुरचंद महाविद्यालयातून घरी परतत असताना ही घटना घडली. पोलिसांनी डंपर आणि डंपर चालकाला ताब्यात घेतल्याची प्राथमिक माहिती मिळत आहे. दरम्यान या घटनेप्रकरणी ग्रामस्थ आणि नातेवाईक संतप्त झाले असून हा प्रकार अपघात नसून जाणीवपूर्वक केल्याचा आरोप नातेवाईकांनी केला आहे.
मिळालेल्या माहितीनुसार, बारामतीमधील टीसी कॉलेजमधील पेपर संपल्यानंतर जुनेद झारी आपला मित्र तुषार सोबत एका दुचाकीवरून घरी निघाला होता. जुनेद स्वतः दुचाकी चालवत होता, तर मित्र तुषार पाठीमागे बसला होता.
Dhule News : शिक्षकाला ब्लॅकमेलप्रकरणात तरुणीला जेल, दोन दिवसांनी तुरुंगात भयंकर कृत्य, कुटुंबीयांचा आक्रोश
दुचाकीवरुन दोघे कॉलेजमधून निघाले असताना रस्त्यात समोरुन डंपर येत होता. तो डंपर रस्त्यावरुन सरळ पुढे न जाता, त्या हायवा चालकाने अचानक आपली गाडी वळवली. त्याचवेळी दुचाकीवरुन दोघे जण येत होते. डंपरने अचानक वळण घेतल्याने दुचाकीवरील दोघेही जमिनीवर कोसळले. यावेळी डंपरचे पुढील चाक झारी याच्या अंगावरुन गेले. मागे बसलेल्या तुषार नावाच्या तरुणाने दुचाकीवरुन उडी मारल्याने तो थोडक्यात बचावला.
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड.… आणखी वाचा