विधानसभा निवडणुकीतील दणदणीत विजयाने आत्मविश्वास दुणावलेल्या उपमुख्यमंत्री एकनाथ शिंदे यांनी आता स्थानिक निवडणुकांवर लक्ष केंद्रित केले आहे. त्यासाठी शिंदे गटाच्यावतीने आज शिवोत्सवाचे आयोजन करण्यात आले आहे. वांद्रे-कुर्ला संकुलात होणाऱ्या या कार्यक्रमात शिंदे हे उद्धव ठाकरे गटाला लक्ष्य करण्याचे संकेत आहेत. या कार्यक्रमात ठाकरे गटातील काही पदाधिकारी, कार्यकर्ते शिंदे गटात प्रवेश करण्याची शक्यता वर्तवली जात आहे.
दोन लाचखोर अधिकारी ACBच्या जाळ्यात; अनधिकृत बांधकामावर कारवाई न करण्यासाठी मागितलेली लाच, प्रकरण काय?
पालिका निवडणुकीबाबत भूमिकेकडे लक्ष
शिंदेंची शिवसेना स्थानिक निवडणुका विशेषतः मुंबई महापालिकेची निवडणूक महायुती म्हणून लढणार असून त्यादृष्टीने एकनाथ शिंदे आपल्या कार्यकर्त्यांना सज्ज राहण्याचे आवाहन करण्याची शक्यता आहे. खुद्द उद्धव ठाकरे यांनी अद्याप महापालिका, नगरपालिका, जिल्हा परिषद निवडणुकीबाबत भूमिका स्पष्ट केलेली नाही. त्यामुळे या मेळाव्यात उद्धव ठाकरे आगामी स्थानिक स्वराज्य संस्थांच्या निवडणुकीबाबत कोणती भूमिका मांडणार, याकडे शिवसैनिकांचे लक्ष लागले आहे.