एचआयव्हीच्या अफवामुळे बीडमधील एका कुटुंबाला वाळीत टाकल्याची घटना घडलीय. मुलीचा एचआयव्हीने मृत्यु झाला होता अशी खोटी माहिती पोलिस आणि वैद्यकीय अधिकाऱ्यांनी सांगितल्यामुळे आपली बदनामी झाली असल्याचा आरोप आष्टी तालुक्यातील पीडित कुटुंबाने केलाय. मुलीच्या सासरच्या लोकांच्या सांगण्यावरून पोलीस आणि डॉक्टरांनी अफवा पसरवली असल्याचं सांगण्यात येतंय. यासंदर्भात पीडित कुटुंबाने एक ऑडिओ क्लिप दाखवली यात पोलीस कर्मचारी काळे हे मुलीला एचआयव्ही होता असल्याचं सांगतायत. तर तिच्या अंत्यविधीसाठी गेलेल्या व्यक्तींची तपासणी करुन घ्या अशी भीतीही पोलीस कर्मचाऱ्यांनी दाखवली. या प्रकरणात पीडित कुटुंबाने जिल्हाधिकाऱ्यांकडे तक्रार दिली असून पोलिस आणि आरोग्य विभागाने खोटा अहवाल दिल्याचा आरोप करण्यात आलाय.