29 नोव्हेंबर 2024 चा हा सीसीटीव्ही व्हिडिओ समोर आला आहे. वाल्मिक कराड, विष्णू चाटे, सुदर्शन घुले आणि इतर आरोपींचे चेहरे दिसत आहेत. खंडणीच्या गुन्ह्यामध्ये वाल्मिक कराड यांनी विष्णू चाटेटेच्या मोबाईलवरून अवादा कंपनीच्या व्यवस्थापकाला दोन कोटीची खंडनी मागितल्याचां उल्लेख आहे. त्यामुळे हा व्हिडिओ महत्त्वाचा समजला जात आहे. दुपारी अकरा वाजता हा व्हिडिओ आहे.. यानंतर हे आवादा कंपनीकडे खंडणी मागितल्याचा प्रकार घडला असल्याचा संशय आहे. 29 नोव्हेंबरला वाल्मिक कराड केज मध्ये होते याचा हा पुरावा देखील आहे. खंडणी आणि हत्या प्रकरणातील काही आरोपी यामध्ये दिसत आहेत.

वाल्मिक कराडविरोधात पोलिसांना ठोस पुरावा हाती लागला आहे. संतोष देशमुख यांची हत्या करणाऱ्या आरोपींचे सीसीटीव्ही फुटेज समोर आले आहे. pic.twitter.com/GNlezrB3Vb

— Maharashtra Times (@mataonline) January 21, 2025

संतोष देशमुख यांची ९ डिसेंबरला अपहरण करून सुदर्शन घुले, प्रतिक घुले, कृष्णा आंधळे आणि आणखी तीन साथीदारांसह हत्या केली होती. संतोष देशमुख यांच्या हत्येमधील आरोपींना पकडण्यात आलं आहे. मात्र एक आरोपी कृष्णा आंधळे हा अजूनही फरारच आहे. पोलिसांना त्याला पकडण्यात यश आलेलं नाही. या प्रकरणातील सर्व आरोपींवर मोक्का लावण्यात आला आहे. सर्व आरोपी आता कोठडीमध्ये असून या प्रकरणाचा एसआयटी तपास करत आहे. कराडविरोधात पोलिसांचा ठोस पुरावा मिळाल्याने कारवाईला वेग येणार असल्याची शक्यता वर्तवली जात आहे.