उपमुख्यमंत्री अजित दादा पवार यांची पुण्यासह बीड जिल्ह्याच्या पालकमंत्री पदी नियुक्ती करण्यात आली. सध्या बीड जिल्ह्यात सुरू असलेली सामाजिक आणि राजकीय वातावरण ढवळून निघालं आहे. सरपंच संतोष देशमुख हत्या प्रकरणावरून धनंजय मुंडेंवर गंभीर आरोप केले जात आहेत. त्यामुळे त्यांना बीडचं पालकमंत्री पद देऊ नका अशी मागणी गेल्या काही दिवसांपासून जोर धरत होती. अशातच बीडच्या पालकमंत्री पदाची जबाबदारी अजित पवारांकडे सोपवण्यात आलीय. मात्र यावरून शिवसेना ठाकरे गटाच्या उपनेत्या सुषमा अंधारे यांनी मुंडे परिवाराला टोला लगावत अजित पवारांकडे विशेष मागणी केलीय.