अज्ञात दोघांनी बोलण्यात गुंतवलं आणि निर्जन स्थळी नेलं

खडवली परिसरात राहणारे अनंत नांदलकर हे काही दिवसांपूर्वी कामानिमित्त बाहेर गेले होते. संध्याकाळी ते पुन्हा खडवली स्टेशनला आले. खडवली रेल्वे स्टेशनवर लोकलमधून उतरताच त्यांना दोन तरूण भेटले. त्या दोघांनी अनंत यांना बोलण्यात गुंतवून रेल्वे स्टेशनपासून जवळपास २०० मीटर अंतरावर नेलं. स्थानकापासून दूर अंतरावर निर्जन असलेल्या परिसरात नेल्यानंतर या दोघांनी त्यांच्याकडील सोन्याची महागडी चैन आणि मोबाईल हिसकावून घेतला. अनंत यांनी लुटारुंना जोरदार प्रतिकार केला. मात्र वयोमानानुसार ताकद क्षीण झाल्यामुळे दोघांनी केलेल्या बेदम मारहाणीत अनंत हे गंभीर जखमी झाले.
ठाण्यातील कोंबड्याना बर्ड फ्ल्यूची लागण; नागरिकांनी घाबरुन जाऊ नये, प्रशासनाचं आवाहन

वृद्धाला मारहाण करुन रेल्वे ट्रॅकच्या बाजूला फेकलं

रेल्वे ट्रॅकच्या बाजूला बेशुद्ध अवस्थेत टाकून त्यांच्या खिशातील पर्स काढून दोघे पसार झाले. कालांतराने काही रहिवाशांना अनंत हे रेल्वे मार्गाच्या बाजूला पडल्याचं दिसताच त्यांना उचलून रुग्णालयात दाखल केलं. कल्याण लोहमार्ग पोलिसांनी रुग्णालयात जाऊन उपचार घेणाऱ्या अनंत नांदलकर यांच्या प्रकृतीची विचारपूस करुन घेतलेल्या जबाबानुसार गुन्हा दाखल केला.

सीसीटीव्ही फुटेजने काढला दोघांचा माग

वरिष्ठ पोलिस निरीक्षक पंढरीनाथ कांदे यांच्या मार्गदर्शनाखाली पोलिसांची तीन पथकं या प्रकरणाचा तपास करत होते. खडवली स्थानक परिसरात असलेल्या सीसीटीव्ही फुटेजमध्ये दोघांचे फोटो कैद झाल्या होता. पोलिसांनी तात्काळ तपासचक्र फिरवली. शोध मोहीम सुरू असतानाच अखेर कल्याण नजीकच्या विठ्ठलवाडी परिसरातून शंकर शिरसाट आणि नरेंद्रसिंग गौतम या दोघांच्या मुसक्या आवळण्यात आल्या. दोघांकडून पोलिसांनी चोरलेल्या वस्तू देखील हस्तगत केल्या आहेत.
आपको क्या चाहिये? सैफच्या मेडचा सवाल, हल्लेखोराकडून एक कोटींची मागणी; FIRमध्ये मोठी अपडेट समोर
एकाने कचरावाहू घंटागाडीवर, तर दुसऱ्याने मिठाईच्या दुकानात नोकरी करत असल्याची माहिती दिली. अटक करण्यात आलेल्या या दोन्ही आरोपींना यापूर्वी अशा प्रकारे आणखी किती लोकांना लुटलं आहे? त्यांच्या नावावर अन्य काही पोलीस ठाण्यांतून गुन्ह्यांच्या नोंदी आहेत का? याचा चौकस तपास पोलीस करत आहेत.