चाकणमधील माणिक चौकात ही घटना घडली आहे. या घटनेत कंटेनर चालकाने तीन महिलांना उडवले, त्यानंतर घटनास्थळावरुन पळून जाण्याच्या हेतूने तो भरधाव वेगात निघाला. मात्र पोलिसांनी ही पाठलाग सुरु केला, स्वतःला वाचवण्याच्या नादात त्याने इतर वाहनांना उडवलं.
मकर संक्रांत ठरली अखेरची; मुंबई-नाशिक महामार्गावर विचित्र अपघात, तिघांचा मृत्यू, १४ जखमी
चाकण – शिक्रापूर रोडवर अपघातात आधी चालकाने दोन महिलांना उडवलं. त्यांनतर पुढे मेदनकरवाडी फाटा येथे पाच वर्षाच्या मुलीला उडवलं. पुढे शेल पिंपळगावमध्ये सेलेरो आणि एका गाडीला उडवलं. त्यानंतर पुढे बहुळ गावमध्ये पोलिसांची एर्टिगा, चौफुलामध्ये टाटाएस ही गाडी पलटी होऊन तिच्या खाली बाईकवाली महिला अडकली असल्याची माहिती समोर आली आहे.
रस्त्यावरील खडीमुळे बोलेरोचं नियंत्रण सुटलं, गाडी थेट ५० फूट विहिरीत कोसळली; चौघांचा भयानक अंत
रस्त्यावर एका ठिकाणी पोलीसांची टीम त्याला पकडण्यासाठी उभी होती. मात्र त्या पोलिसांच्या वाहनाला देखील या कंटेनर चालकाने उडवलं. त्यामुळे एकच धावपळ, गोंधळ उडाला. मात्र काही अंतर गेल्यावर स्थानिक नागरिकांनी त्याला पकडलं आणी चांगलाच चोप दिला. त्याला शिक्रापुर पोलिसांच्या ताब्यात देण्यात आलं आहे.
खांद्याला खांदा लावून मी कुठेही उपस्थित असतो, पहाटेचा शपथविधी आठवा; माणिकराव कोकाटेंमुळे भर सभागृहात हशा पिकला
चाकण, रासे, शेलगाव, पिंपळगाव आणि चौफुला या परिसरात एकाच माल वाहतूक कंटेनर चालकाने हा प्रताप केला आहे. अपघातात अनेक जण जखमी झाले आहेत. या घटनेमुळे एकच खळबळ उडाली होती. चालक अकिब खान (वय २४) असं वाहन चालकाचं नाव असून तो हरियाणा येथील राहणारा आहे.

जिल्ह्यामध्ये दिवसेंदिवस अपघाताचं प्रमाण वाढत असून अनेक निष्पाप नागरिकांना यात आपला जीव गमवावा लागत आहेत. मद्यपी चालकांना आळा बसवणं आता प्रशासनाचं काम असून त्याची अंमलबजावणी होणं देखील गरजेचं आहे. आजच्या घडलेल्या घटनेमुळे परिसरात एकच खळबळ उडाली होती. स्थानिक नागरिकांनी पाठलाग करून या कंटेनर चालकाला पकडून दिल्याने पुढील दुर्घटना टळली आहे.