नेमकं काय घडलं?

वालचंदनगर परिसरातील एक कुटुंब आपल्या एक्सयूव्ही कारमधून मांढरदेवी या ठिकाणी काळूबाईच्या दर्शनासाठी बारामती बाजूकडून निरेकडे निघाले होते. तर नीरा बाजूकडून बारामती येथील श्रीनाथ ट्रान्सपोर्टचा मालवाहतूक करणारा माल ट्रक बारामतीच्या दिशेने निघाला होता. हॉटेल रेहान नजीक ट्रकने (एम. एच.४२ टी.९५४५) चुकीच्या बाजूला जात एक्सयूव्ही कारला (एम.एच.१४ इ यू ७३५३) समोरासमोर जोरदार धडक दिली. अपघाताची माहिती कळताच वडगाव निंबाळकर पोलीस ठाण्याचे सहाय्यक पोलीस निरीक्षक सचिन काळे यांच्या मार्गदर्शनाखाली पोलिस कर्मचाऱ्यांनी तात्काळ जखमींना रुग्णवाहिकेच्या मदतीने उपचारासाठी बारामतीला पाठवलं.
जे जबाबदार असतील त्यांना फाशी द्या, अन्यथा परभणीत जीव देईन; सोमनाथ सूर्यवंशींच्या आईने सुप्रिया सुळेंसमोर फोडला टाहो
अपघातानंतर मोठ्या प्रमाणात वाहतुकीचा खोळंबा झाला होता. वडगाव निंबाळकरच्या पोलीस कर्मचाऱ्यांनी वाहतूक सुरळीत केली. अपघातात महिला आणि बालके गंभीर जखमी झाल्याने प्रवाशांनी हळहळ व्यक्त केली. सायंकाळी उशीरापर्यंत जखमींची नावं कळू शकली नाहीत.
खोलीतून प्रतिसाद नाही अन् दरवाजा तोडला, समोरील दृश्य पाहून सर्व हादरले; चिठ्ठी लिहून विद्यार्थीनीनं आयुष्य संपवले
दरम्यान, राज्यात अपघाताच्या घटनांमध्ये दिवसेंदिवस वाढ होत आहे. या अपघातांमध्ये अनेकांना आपला जीव गमवावा लागत आहे. असाच एक अंगावर शहारा आणणारा अपघात बारामतीत रविवारी घडला आहे. बारामती तालुक्यातील सोमेश्वरनगर येथे धावत्या ट्रॅक्टरवरून पडून एका तरुणाचा मृत्यू झाल्याची घटना घडली. सोमेश्वरनगर येथे आप्पासाहेब जगताप नगर येथे करंजेपुल- वाणेवाडी रस्त्यावर ही घटना घडल्याची माहिती आहे. सांगसिंग दिपसिंग सिंग हा १८ वर्षीय तरुण अपघातात मृत्यूमुखी पडला आहे.

सांगसिंग हा या भागात फर्निचरचे काम करत होता. त्याला वाणेवाडीच्या दिशेने जायचे होते, त्यामुळे त्याने करंजेपुलकडून वाणेवाडीच्या दिशेने जाणाऱ्या एका ट्रॅक्टरला लिफ्ट मागितली आणि तो कामानिमित्त या ट्रॅक्टरवरुन वाणेवाडीच्या दिशेने निघाला होता. या प्रवासादरम्यान आप्पासाहेब जगताप नगर जवळ आल्यानंतर अचानक सांगसिंगचा ट्रॅक्टरवरुन तोल गेला आणि तो चालत्या ट्रॅक्टरवरुन खाली पडला. खाली पडताच ट्रॅक्टरचं चाक त्याच्या अंगावरुन गेल. यात त्याला मोठी दुखापत झाली आणि यामध्ये त्याचा जागीच मृत्यू झाला आहे.