राज्यात चर्चेचा केंद्रबिंदू ठरलेल्या बीडचे कनेक्शन आता सोलापूरपर्यंत पोहोचले आहे. सोलापुरातील महिलेने वाल्मिक कराडचा मुलगा सुशील कराडवर गंभीर आरोप केलेत. सुशील कराडने बंदुकीच्या धाकाने संपत्ती लुटल्याचा आरोप महिलेने केला होता. मात्र महिलेने खोटी तक्रार दिली असल्याचं सुशील कराडच्या वकिलांचं म्हणणं आहे. लोकसभेपासून सुशीलची बंदूक पोलीस स्टेशनमध्ये जमा असल्याचं वकिलांनी म्हटलं. संबंधित महिला व तिच्या पतीने कोट्यावधींची अफरातफर केल्याची माहिती वकिलांनी दिली.