मुंबई क्रिकेट संघटनेच्या या वानखेडे स्टेडियमवर खेळपट्टी आणि मैदान करण्याचे काम जवळपास वर्षभर सुरू असते. रोज मैदानाला पाणी देणे, गवताची छाटणी करणे, जंगली गवत छाटणे, सामन्याच्या तारखेनुसार पाणी देणे, अशी कामे अत्यंत कुशलतेने सुरू असतात. हे काम करणाऱ्यांमध्ये विजय मोहिते हे सर्वांत अनुभवी. ‘बारक्या’ म्हणूनच त्यांची ओळख आहे. सुनील गावस्कर, दिलीप वेंगसरकर, रवी शास्त्री, सचिन तेंडुलकर, अजिंक्य रहाणे यांसारख्या अनेक क्रिकेटपटूंशी त्यांचे चांगले संबंध आहेत. या क्रिकेटपटूंचे ते आवडतेच आहेत. ड्रेसिंग रूममध्ये ते असतील, तर चिंता नाही, ही खेळाडूंची भावना त्यांच्या कामाची पावती देते.
Sanjay Raut: ‘मविआ’ही विसर्जनाकडे; शिवसेना ठाकरे गट महापालिका निवडणुका स्वबळावर लढणार, राऊत यांची घोषणा
मोहिते आपले मेहुणे मुकुंद पवार यांच्यामुळे येथे माळीकाम करू लागले. ते मूळचे कोकणातील. त्यांची गावाकडे शेती आहे. तिथे मातीत काम करण्याची सवय होती. ही मातीची ओढ त्यांना मुंबईत खूप काही देऊन गेली. स्टेडियममधील काम त्यांनी लीलया सुरूकेले. ‘प्रत्येकाला कोणते काम कसे करायचे हे माहिती आहे. सामना सुरू असताना सूचनांकडे आमचे लक्ष असते. प्रकाशझोतात सामने असले की, आम्ही मैदानाबाहेर जाऊन आकाशात बघत असतो. मोबाइलवरून पावसाचा अंदाज घेत असतो. त्यामुळे तयारीनिशी सज्ज असतो,’ असे ते सांगतात..‘एकापेक्षा जास्त दिवसांचा सामना म्हणजे जास्त पूर्वतयारी असते. त्याहीपेक्षा सामन्याच्या आदल्या दिवशीही काम असते. रोज सकाळी साडेसहा वाजता यायचे, खेळपट्टीवरील आच्छादन काढायचे, खेळपट्टीचे नुकसान होणार नाही, याची काळजी घ्यायची. खेळ संपल्यावर मैदान कुठे खराब झाले असेल, तर त्याची डागडुजी करायची. ही कामे पूर्ण करण्यात किमान संध्याकाळचे साडेसहा तरी वाजतात. उशिरा घरी जाऊन परत सकाळी लवकर यावे लागते,’ असा दिनक्रम मोहिते यांनी सांगितला.
इंदूरहून पळालेले भिकारी नागपुरात? अचानक वाढली संख्या, उपराजधानीत १६०० निराश्रित
पूर्वी अन् आता मोहिते यांनी पूर्वीचा काळ जागवला ‘पूर्वी गवत छाटणीचे आव्हान असायचे. • एका बोटाच्या पेराएवढे आम्ही तेव्हा गवत ठेवत असू. कोणते गवत छाटायचे • आणि कोणते पूर्ण काढायचे ते आम्हाला पाते बघून कळते. काही गवत लगेच वाढत असे, त्यामुळे पूर्ण छाटणीला तीन-चार दिवस लागत. आता मशिनने एका दिवसात काम होते, मात्र सामनेही खूप होतात. सुरुवातीस आम्हाला कमी पगार होता. आता तो वाढला आहे,’ असे मोहिते यांनी नम्रपणे सांगितले.