Manikrao Kokate: ‘तो’ विषय संपला! छगन भुजबळांबाबत कृषिमंत्री कोकाटेंची नरमाईची भूमिका

राष्ट्रवादीचे नेते व माजी मंत्री छगन भुजबळांच्या प्रत्येक प्रश्नाला माझ्याकडे उत्तर आहे. पण, कलगीतुरा नको. भुजबळांबाबत भाष्य करू नये असा पक्षाकडून मला आदेश आला आहे. त्यांच्याबाबतीत वरिष्ठ पातळीवर निर्णय होईल. माझ्या दृष्टीने त्यांचा विषय संपला आहे, अशी प्रतिक्रिया कृषिमंत्री ॲड. माणिकराव कोकाटे यांनी भुजबळांसदर्भात सुरू असलेल्या वादावर व्यक्त केली आहे. दरम्यान, राज्यातील शेतकऱ्यांना कर्जमाफी संदर्भात दोन प्रवाह असून, त्याबाबत अंतिम निर्णय मुख्यमंत्री आणि अर्थमंत्री निर्णय घेतील असे स्पष्टीकरणही कोकाटे यांनी दिले.