दरोडेखोरांनी ज्वेलर्स दुकानात सशस्त्र दरोडा टाकून दुकानातील 40 लाख रुपये किमतीचे 50 तोळे सोन्याचे दागिने चोरी केल्याची प्राथमिक माहिती समोर आली आहे. दरोडाच्या या घटनेमुळे परिसरातील इतर ज्वेलर्स मालक, दुकानदार यांच्यामध्ये भीतीचे वातावरण पसरले आहे. घटनेची माहिती मिळाल्यानंतर माणिकपूर पोलीस ठाण्याततील पोलीस अधिकारी कर्मचारी, दाखल झाले. त्याचप्रमाणे पोलीस उपायुक्त परिमंडळ दोन पौर्णिमा चौगुले- श्रुंगी यांनी देखील घटनास्थळाला भेट देत पाहणी केली. घटनास्थळाचा पंचनामा करण्यात आला असून. याप्रकरणी माणिकपूर पोलीस ठाण्यात गुन्हा दाखल करण्यात आला आहे. आरोपींचा शोध घेण्यासाठी पोलिसांची पथके स्थापन करण्यात आली असून पोलीस अधिक तपास करीत आहेत.