धाराशिवच्या मोर्चात बोलताना मोठी टीका आमदार सुरेश धस यांनी केलीये. यासोबतच त्यांनी काही आरोपही केले. गंभीर आरोप करत सुरेश धस यांनी म्हटले की, सरपंच संतोष देशमुखला चार तास मारण्यात आले, त्यांना हाल करून मारण्यात आलं. गुन्हा दाखल करू नका म्हणणाराच मुख्य आरोपी असल्याचे सुरेश धस यांनी म्हटले. पुढे बोलताना सुरेश धस म्हणाले की, आकाचा आका पण बिनभाड्याच्या खोलीत गेला पाहिजे.
संतोष देशमुख हत्या प्रकरणातील सर्व आरोपींवर मकोका; ‘त्या’ केसमुळे वाल्मिक कराडला दिलासायावेळी गंभीर आरोप करत सुरेश धस यांनी म्हटले की, मारहाणीचा व्हिडीओ तयार करून आकाला दाखवण्यात आला. हे लोक भगवान बाबांचे नाव भाषणापुरते घेतात. संतोष देशमुख हत्या प्रकरणातील सर्व आरोपींवर मकोका लावा. तुम्हाला पैशांचा माज आलाय, अशाही टोला हा सुरेश धस यांनी लगावला.. यावेळी गंभीर आरोप करत सुरेश धस म्हणाले की, माणूस रडत होता आणि हे व्हिडीओ काढत होते. आका सांगत होता, मारा म्हणून.

दीड कोटीसाठीच संतोष देशमुखची हत्या करण्यात आल्याचा दावा सुरेश धस यांच्याकडून करण्यात आलाय. आका म्हणतो माझा संबंध नाही पण तोच खरा मुख्य सूत्रधार असल्याचे धसांनी म्हटले. धाराशिवच्या भाषणात अनेक गंभीर आरोप आता सुरेश धस यांच्याकडून करण्यात आली आहेत. काही दिवसांपूर्वीच संपूर्ण देशमुख कुटुंबियांनी मुख्यमंत्री देवेंद्र फडणवीस यांची भेट घेतली. यावेळी बऱ्याच वेळ त्यांनी मुख्यमंत्र्यांशी चर्चा केली.