धनंजय मुंडे यांच्यावर होत असलेल्या आरोपांवर सुरूवातीला उपमुख्यमंत्री अजित पवार हे काहीच बोलत नव्हते. धनंजय मुंडे यांची पाठराखण छगन भुजबळांकडून करण्यात आली. पुरावे मिळत नाहीत, तोपर्यंत राजीनामा मागणे योग्य नसल्याची थेट भूमिका ही छगन भुजबळ यांनी घेतली होती. त्यानंतर अजित पवार यांच्याकडूनही धनंजय मुंडे यांच्या राजीनाम्याबद्दल स्पष्ट भूमिका ही मांडण्यात आली. सुरेश धस यांच्याही समाचार घेताना दादा दिसले.
राष्ट्रवादीतील बड्या मुन्नीची सुन्नी करणार; सुरेश धसांचा खळबळजनक दावा, चर्चांना उधाणसंतोष देशमुख यांच्या हत्येनंतर राजकारण तापलेले असतानाच आता धनंजय मुंडे यांनी छगन भुजबळांची भेट घेतलीये. छगन भुजबळ आणि धनंजय मुंडे यांच्या भेटीनंतर आता विविध चर्चांना उधाण आल्याचे बघायला मिळतंय. छगन भुजबळांच्या भेटीवर बोलताना धनंजय मुंडे यांनी म्हटले की, खात्याच्या कामकाजासंबंधी मार्गदर्शन घेतले. या भेटीचे काही फोटोही पुढे आल्याचे बघायला मिळतंय. राज्यात संतोष देशमख यांच्या हत्येनंतर परत एकदा मराठा विरूद्ध ओबीसी असा संघर्ष हा बघायला मिळतोय.

धनंजय मुंडे आणि पंकजा मुंडे यांच्या राजीनाम्याची मागणी मराठा समाजाकडून केली जातंय. ओबीसी समाज देखील आता आक्रमक झाल्याचे दिसतंय. यामुळे यासर्व पार्श्वभूमीवर छगन भुजबळ आणि धनंजय मुंडे यांच्या भेटीला महत्व आहे. छगन भुजबळ हे मनोज जरांगे पाटील यांच्याविरोधात रस्त्यावर उतरले होते. राज्यात ओबीसी नेत्यांना मुद्दाम टार्गेट केले जात असल्याचा आरोप हा सातत्याने केला जात असल्याचे बघायला मिळतंय.