यासंदर्भात ट्रस्टचे प्रमुख राजेंद्र पवार यांनी पत्रकार परिषदेत माहिती दिली. गेल्या दहा वर्षांपासून कृषिक हे भारतातील नव्हे तर जगातील सर्वात मोठे प्रात्यक्षिक आधारित कृषी प्रदर्शनाचे आयोजन केले जाते. यावर्षीचे १० वे कृषिक प्रदर्शन दिनांक १६ ते २० जानेवारी, २०२५ दरम्यान होत आहे. हे प्रदर्शन सशुल्क असून यावर्षीचे प्रदर्शन हे कृत्रिम बुध्दीमत्तेच्या संकल्पनेवर आधारलेले आहे.
PM Modi : मेलोनींसोबतचे तुमचे मीम्स येतात, काय वाटतं? PM मोदी पहिल्यांदाच बोलले
अॅग्रीकल्चरल डेव्हलपमेंट ट्रस्ट संचलित कृषि विज्ञान केंद्र, बारामती मार्फत गेल्या दहा वर्षांपासून कृषिक हे भारतातील नव्हे तर जगातील सर्वात मोठे प्रात्यक्षिक आधारित कृषी प्रदर्शनाचे आयोजन केले जाते. यावर्षीचे १० वे कृषिक प्रदर्शन दिनांक १६ ते २० जानेवारी, २०२५ दरम्यान होत आहे. थेट प्रात्यक्षिकावर आधारीत कृषी प्रदर्शनाचे हे १० वे वर्ष असून दरवर्षी देशभरातून साधारण अडीच ते तीन लाख शेतकरी भेट देतात. तब्बल १७० एकर प्रक्षेत्रावर या प्रदर्शनाचे आय़ोजन केले जाते. ट्रस्टचे प्रमुख राजेंद्र पवार हे १९८० च्या दशकात अमेरीकेतील मिशिगन स्टेट मध्ये कृषी पदवीचे शिक्षण घेत असताना मिनिसोटा कॉन्टी मध्ये त्यांनी अशा प्रकारचे प्रात्यक्षिक आधारित प्रदर्शन पाहिले होते. नवीन बियाणे, तंत्रज्ञान, खते केवळ पिशव्यांमधून दाखविण्याऐवजी त्यांचा प्रत्यक्ष शेतीतील वापर, त्यांचा त्या पिकावरील प्रभाव व प्रत्यक्ष उत्पादन पाहता येत असल्याने ते अधिक प्रभावी ठरते, याच संकल्पनेतून दरवर्षी हे प्रदर्शन भरविले जाते.

दरम्यान १६ ते २० जानेवारी दरम्यान होत असलेल्या या प्रदर्शनात राज्यभरातील व परराज्यातीलही शेतकरी सहभागी होणार असून जगभरातील नवे बियाणे, नवे खत व्यवस्थापन, नवे तंत्रज्ञान प्रत्यक्ष शेतात रुजताना व त्याचे उत्पादनात रुपांतर होताना शेतकऱ्यांना पाहता येणार आहे, नव्या जातींची लागवड येथील मातीत कशी होते याची प्रत्यक्ष माहिती याद्वारे मिळणार आहे. परदेशी व वाजवी नफा देणारी फळझाडे आपल्या मातीत उत्पादित होतात का? त्याचा खर्च, त्याची बाजारपेठ, त्याचे एकात्मिक व्यवस्थापन याविषयी शेतकरी बांधवांच्या मनातील अनेक शंकांना उत्तरे मिळणारी नाविण्यपूर्ण फळझाडांची आपल्या भौगोलिक परिस्थितीतील यशस्वी वाढ या ठिकाणी शेतकरी बांधवांना पाहता येईल. अवाकॅडो, फ्लम, पिअर, लिची, रामभूतान, मॅंगोस्टीन, लक्ष्मणफळ, पॅशनफ्रूट, खजूर अशा अनेक फळझाडांचा यामध्ये समावेश आहे.

या वर्षी नेदरलँड, चीन, अमेरिका, इस्त्राइल, ब्राझिल, स्पेन, इटली, जर्मनी, अफ्रिका, फ्रान्स, थायलंड, कोरीया, जपान, इंग्लैंड (UK), मेक्सीको, स्विडेन, तुर्कस्थान, ऑस्ट्रेलिया इत्यादि देशांतील विविध AI, सेन्सर व रोबोटिक तंत्रज्ञान बियाणे, खते, औषधे, मशिनरी, पॉलीहाउस, लागवड तंत्रज्ञान, स्मार्ट टुल्स पाहण्याची नामी संधी उपलब्ध होणार आहे. या देशातील तंत्रज्ञानामध्ये जपान येथील बायोफ्लॉक यंत्रणा, नेदरलैंड, स्पेन, जर्मनी, थायलंड ई. देशातील विषमुक्त शेती उत्पादनासाठी आधुनिक औषधे, सेन्सर तंत्रज्ञानावर आधारित नेदरलँड, इंग्लंड, अमेरिका देशातील प्रगत मशिनरी, इस्त्राइल येथील सूक्ष्म सिंचन प्रणाली, इटली येथील सेन्सर चलित मशिनरी तंत्रज्ञान असणार आहे.