ठाकरे सेना आता कोकणात रिकामी – उदय सामंत

राजापूर मतदारसंघातील संगमेश्वर तालुक्यातील साखरपा येथील ठाकरे गटाचे नेते जिल्हा नियोजन समितीचे सदस्य बापू शेटये यांनाही किरण सामंत यांनी शिवसेनेच्या शिंदे गटात प्रवेश देऊन ठाकरे गटाला दणका दिला आहे. इतकंच नाही तर शिवसेनेचे रत्नागिरी येथील माजी नगराध्यक्ष आणि आणखी काही नेते पदाधिकारी शिवसेनेच्या संपर्कात असल्याचं बोललं जात आहे. या सगळ्या घडामोडीनंतर आता शिवसेनेचे नेते मंत्री उदय सामंत यांनीही ठाकरे सेना आता कोकणात रिकामी झाल्याचं मोठं वक्तव्य केलं आहे.
ज्यांनी हिंदुस्थानच्या विरोधात काम केले अशा लोकांची स्मारके, स्थळे आपण का संरक्षित करतोय? नरेश म्हस्केंचा सवाल

स्थानिक स्वराज्य संस्था निवडणूक तोंडावर

आगामी स्थानिक स्वराज्य संस्थांची निवडणूक महायुती एकत्र लढवणार किंवा वेगवेगळे लढवणार हे येत्या काही दिवसात स्पष्ट होईल. मात्र शिवसेना आणि भाजपा हेच दोन मोठे पक्ष कोकणात राहिल्यास हे दोन्ही पक्ष आपली ताकद आजमवण्यासाठी स्वतंत्र लढू शकतात अशीही शक्यता वर्तवली जात आहे. मात्र या आत्मविश्वासातून भविष्यात या दोन्ही पक्षांचे नुकसान होऊ शकते.
खेळता खेळता अनर्थ घडला, मित्रांची मस्ती चिमुकलीच्या जीवावर बेतली, तरुण अंगावर पडल्यानं २ वर्षाच्या मुलीचा मृत्यू

महाविकास आघाडीतील काही पराभूत उमेदवार महायुतीच्या संपर्कात

गृहराज्यमंत्री योगेश कदम यांनी खेडमधील मनसेचे माजी नगरसेवक तसेच काही नेत्यांना शिवसेनेत प्रवेश देऊन संघटना वाढीकडे लक्ष दिलं आहे. ठाकरे गटाचे उपनेते माजी आमदार राजन साळवी हे शिवसेनेत आले तर स्वागतच आहे, असं सांगत आता महाविकास आघाडीतील काही पराभूत उमेदवार महायुतीच्या संपर्कात असल्याचेही सूचक वक्तव्य योगेश कदम यांनी केलं आहे. त्यामुळे आणखी काही दादा, भाऊ महायुतीच्या संपर्कात असल्याची चर्चा आहे.

विधानसभा निवडणुकीदरम्यानच रामदास कदम आणि योगेश कदम यांनी पूर्वाश्रमी मूळ शिवसेनेचे असलेले माजी विधानसभा क्षेत्राध्यक्ष आणि पंचायत समितीचे माजी सभापती किशोर देसाई यांना शिवसेनेत प्रवेश देऊन सक्रिय केल्याने शिवसेनेला एक संघटनात्मक पातळीवरती बळ मिळालं आहे. लवकरच आणखी काही घडामोडी घडण्याची शक्यता आहे.

शिंदेंच्या शिवसेनेला बळ देण्यासाठी तीनही युवा नेते सक्रिय

तळकोकणात सिंधुदुर्ग जिल्ह्यात निलेश राणे यांनी सावंतवाडीपासून लक्ष घालण्यास सुरुवात केली असून अनेक महाविकास आघाडीतील ठाकरे गटातील पदाधिकाऱ्यांनी शिवसेनेत पक्षप्रवेश कार्यक्रमांचा धडाका लावला आहे. यामध्ये काही नगरसेवक, माजी जिल्हा परिषद सदस्य आधी पदाधिकाऱ्यांचा समावेश आहे. या सगळ्या घडामोडींच्या पार्श्वभूमीवर आता विधानसभा निवडणुकीनंतर शिंदेंच्या शिवसेनेला बळ देण्यासाठी संघटनात्मक पातळीवर तीनही युवा नेते सक्रिय झाले आहेत. इतकंच नाही, तर काही दिवसात किंवा स्थानिक स्वराज्य संस्थांच्या निवडणुकानंतर काही संघटनात्मक फेरबदल होण्याची शक्यता वर्तवली जात आहे.