देशाची आर्थिक राजधानी असलेल्या मुंबईत सध्या ५९.१९ किलोमीटरवर मेट्रो धावत आहे. १४३.६५ किलोमीटरवर काम सुरू आहे. तर, दिल्लीत ३५१ किलोमीटरचं नेटवर्क असून ६५ किलोमीटरचं नेटवर्क तयार होत आहे.
वर्सोवा ते विरारपर्यंतचा प्रवास केवळ ४५ मिनिटांत करता येणार, ५५ किमी लांबीचा नवा लिंक रोड; कसा असेल मार्ग?

मुख्यमंत्र्यांनी दिलं ५० टक्क्यांचं टार्गेट

मुख्यमंत्री देवेंद्र फडणवीस यांनी शनिवारी मेट्रो प्रकल्पांचा आढावा घेतला. यावेळी बोलताना त्यांनी आता कामात उशीर होता कामा नये, असं सांगितलं. काम पूर्ण करण्यासाठी पुन्हा नवीन मुदत द्यावी. तसंच दरवर्षी ५० किमीची लाईन सर्वसामान्यांसाठी खुली करावी, असं मुख्यमंत्री फडणवीस म्हणाले.

सध्या मुंबईतील अनेक मेट्रो प्रकल्प दिलेल्या मुदतीपेक्षा मागे आहेत. त्यावरुनच मुख्यमंत्र्यांनी एमएमआरडीएला नवीन मुदत देण्याचं सांगितलं आहे.
मुंबईतील पहिल्या अंडरग्राऊंड मेट्रोचा प्रवास होणार महागडा, कुठून-कुठपर्यंत किती असणार भाडं? कसा आहे मार्ग?

मुंबईत कुठे, कोणत्या मार्गावर काम सुरू? आगामी काळात या मार्गावर धावणार मेट्रो

मेट्रो १२ – कल्याण ते तळोजा, सुरुवाती स्तरावर काम सुरू

मेट्रो १० – गायमुख ते शिवाजी चौक – मीरा रोड, काम अद्याप सुरू होणं बाकी आहे

मेट्रो २ बी – डीएन नगर ते मंडाले, ८० टक्के काम पूर्ण (२३.६ किमी)

मेट्रो ४ आणि ४ ए – वडाला ते कासर वडवली आणि गायमुखपर्यंत, ८० टक्के काम पूर्ण

मेट्रो ५ – ठाणे – भिवंडी – कल्याण, ९५ टक्के काम पूर्ण (२४.९ किमी)

मेट्रो ६ – स्वामी समर्थ नगर – विक्रोळी, ७७ टक्के सिव्हिल वर्क (१४.५ किमी)

मेट्रो ९ आणि ७ ए – दहिसर पूर्ण – मीरा-भाईंदर – अंधेरी पूर्व – सीएसएमआयए, ९२ टक्के सिव्हिल वर्क