गेल्या महिन्यात शरद पवारांचा वाढदिवस होता. त्यावेळी उपमुख्यमंत्री अजित पवारांनी त्यांची सहकुटुंब भेट भेटली. यानंतर दोन्ही पवार एकत्र येणार असल्याच्या चर्चा सुरु झाल्या. अजित पवारांच्या मातोश्री आशा पवार यांनीही पांडुरंगांच्या चरणी केली. त्यामुळे काका, पुतणे सोबत येणार का, याकडे सगळ्यांच लक्ष लागलं आहे. राष्ट्रवादी काँग्रेसच्या बैठकीतही अनेक पदाधिकाऱ्यांनी मांडलेली मतं याच संबंधित होती.
तुम्हाला सांगेन का? तुमच्यासमोर रोज ओरडत बसू का? ‘तो’ प्रश्न ऐकताच भुजबळ चिडले, एकदम संतापले
शरद पवारांच्या पक्षातील लोक सोबत आले तर आधी आमचा विचार व्हावा अजितदादांनी त्यांच्या सोबतच्या निष्ठावंतांचा विचार आधी करावा, अशी राष्ट्रवादी काँग्रेसच्या पदाधिकाऱ्यांची भूमिका आहे. अजित पवारांनी शरद पवारांची साथ सोडल्यानंतर बहुतांश आमदार, पदाधिकाऱ्यांनी दादांसोबत जाण्याचा निर्णय घेतला. त्यावेळी दादांच्या निष्ठावंतांना टिकेचा सामना करावा लागला. अजित पवारांची साथ दिल्यानं टिकेची झळ सोसलेल्यांवर अन्याय होता कामा नये, अशी राष्ट्रवादी काँग्रेसच्या पदाधिकाऱ्यांची मागणी आहे.

मुंबईतील राष्ट्रवादी काँग्रेसच्या मुख्य कार्यालयात राष्ट्रवादी काँग्रेसची बैठक झाली. या बैठकीला पक्षाच्या सगळे सेलचे, आघाड्यांचे प्रमुख उपस्थित होते. काका, पुतणे एकत्र येणार असतील तर अजितदादांना आधीपासून साथ देणाऱ्या, त्यांच्यासोबत निष्ठेनं राहिलेल्यांव अन्याय होऊ नये, अशी पदाधिकाऱ्यांची भूमिका आहे. या पदाधिकाऱ्यांनी त्यांची भूमिका पक्षाचे प्रदेशाध्यक्ष सुनील तटकरे यांच्याकडे मांडली.
योग्य वेळी योग्य निर्णय! २४ तासांत ठाकरेंच्या शिलेदाराचे सूर बदलले; साळवींच्या मनात काय?
अजित पवारांनी जुलै २०२३ मध्ये शरद पवारांची साथ सोडली. तेव्हापासून त्यांना साथ देणाऱ्या पदाधिकारी, कार्यकर्त्यांचा प्राधान्यानं विचार व्हावा. येत्या काळात पक्षाला महामंडळांसह अन्य जबाबदाऱ्या मिळतील. त्यावेळी आधीपासून सोबत असलेल्यांना संधी मिळावी, अशी भावना पदाधिकाऱ्यांनी तटकरेंसमोर मांडली.