उल्हासनगर कॅम्प तीनमध्ये रेमंड शोरूमच्या समोर गहुबाई पाडा आहे. गहुबाई पाड्यात जागरण गोंधळाला आलेल्या जावई पंकज निकम हा रात्री दोन वाजताच्या सुमरास ॲक्टिवा मोटरसायकल वरुन जात होता. त्यावेळी नाक्यावर दारुच्या नशेत धुंद असलेला सचिन आनंद दिघे उर्फ बबल्या याने त्याला अडवले. पहिले लाथाबुक्यांनी बेदम मारहाण केली. त्याच्या खांद्यावर हात ठेवत खिश्यातील चाकू काढून गळ्यात घुसवला. अधिक रक्तस्त्राव झाल्याने त्याचा जागीच मृत्यू झाला. या प्रकरणी मध्यवर्ती पोलीस ठाण्यात गुन्हा दाखल करण्यात आला असून मध्यवर्ती पोलीसांनी बबल्याला अटक करण्यासाठी पोलीस पथके रवाना केली आहेत.