वारकरी संप्रदायाचे ढोंग करणाऱ्यांनी मी कशी निवडून आले यावर बोलण्याचे काम नाही. आपण दोनदा कोणामुळे खासदार झालात हे विसरलात का? आपण दहा वर्षे खासदार राहिलात.या दहा वर्षात जिल्ह्यासाठी एक तरी चांगले काम केले का ते दाखवा? तरच दुसऱ्यांना नावे ठेवा. संविधान बदलणार अशा खोट्या अफवा पसरवून जिंकून आलेल्यांनी आम्हाला शिकवू नये.असं म्हणत राज्यमंत्री मेघना बोर्डीकर यांनी शिवसेना खासदार संजय जाधव यांचा चांगलाच समाचार घेतला. सेलू येथे राज्यमंत्री मेघना बोर्डीकर यांचा भव्य असा सत्कार समारंभ आयोजित करण्यात आला होता.यावेळी बोलत असताना त्यांनी खासदार संजय जाधव यांच्या या वक्तव्याचा समाचार घेतला.