१. हडपसरमधील भाजप आमदार योगेश टिळेकर यांचे मामा असलेले हॉटेल व्यावसायिक सतीश वाघ यांचे अपहरण करुन खून करण्याची सुपारी त्यांच्या पत्नीनेच दिली, असे पोलिस तपासात निष्पन्न झाले आहे. या प्रकरणी पुणे पोलिसांनी सतीश वाघ यांच्या पत्नी मोहिनी (वय ४८) हिला बुधवारी अटक केली. पतीच्या जाचाला कंटाळून पाच लाख रुपयांची सुपारी दिल्याचे तिने कबूल केल्याचे पोलिसांनी सांगितले. बातमी वाचा सविस्तर…
२. लाखो रुपयांच्या लाचेची मागणी केल्याप्रकरणी मांडवी वनक्षेत्रपाल संदीप चौरे यांच्यावर मंगळवारी मांडवी पोलिस ठाण्यात गुन्हा दाखल करण्यात आला. त्यानंतर त्यांच्या मिरा रोड येथील घराची झाडाझडती घेतली असता घरात १ कोटी ३७ लाखांची रोकड आणि ५८ तोळे सोने आढळून आले आहे. तसेच त्यांच्या घरात महागडे फर्निचर आणि वस्तू आढळून आल्या आहेत.

३. कंत्राटी लिपिक हर्षकुमार क्षीरसागर हा कामावर असताना, तो कोणाच्या संपर्कात होता; याशिवाय मैत्रिणीच्या संपर्कात असलेल्या काही जणांची तिसऱ्या दिवशी विचारपूस करण्यात आली आहे. हर्षकुमार याचे येस बँकेत असलेल्या खात्याबाबतही तिसऱ्या दिवशी चौकशी करण्यात आली आहे. बातमी वाचा सविस्तर…

४. प्रेयसी आणि तिच्या पतीला धडा शिकवणे आणि बलात्काराचा गुन्हा मागे घ्यावा, यासाठी माथेफिरू प्रियकराने प्रेयसीच्या मुलाची हत्त्या केल्याचे समोर आले आहे. या प्रकरणात आरोपीनेही आत्महत्या केली आहे. निरगुडसर (ता. आंबेगाव) येथून या मुलाचे अपहरण झाले होते. ११ ते २४ डिसेंबरदरम्यान ही घटना घडली असून या प्रकरणातील मयत विद्यार्थी आर्यन विक्रम चव्हाण या बारा वर्षीय मुलाचा मृतदेह मंगळवारी संगमनेरजवळील राजापूर परिसरात एका कोरड्या विहिरीत आढळून आला.

५. नाशिक महापालिकेच्या आयुक्तपदावर आपल्या मर्जीतील अधिकाऱ्याऐवजी वर्ध्याचे जिल्हाधिकारी राहुल कर्डिले यांची नियुक्ती झाल्याने भाजपचा एक बडा मंत्री नाराज झाल्याची चर्चा आहे. त्यांच्या नाराजीमुळे कर्डिले यांच्या आयुक्तपदावरील नियुक्तीला अवघ्या काही तासांतच मुख्यमंत्री देवेंद्र फडणवीस यांनी तोंडी तात्पुरती स्थगिती दिल्याची चर्चा आहे. बातमी वाचा सविस्तर…

६. नाशिक तालुक्यातील हरसूल भागात मंगळवारी रात्री २.२ रिश्टर स्केलचे भूकंपाचे धक्के जाणवले. त्यामुळे हरसूल आणि परिसरातील ग्रामस्थांनी मंगळवारची रात्र जागून काढली.

७. महाराष्ट्रातील बीड जिल्ह्यातील मसाजोग येथील सरपंच संतोष देशमुख यांची हत्या झाली संपूर्ण महाराष्ट्रात खळबळ माजली. ही घटना ताजी असतानाच रायगड जिल्ह्यातील उरण तालुक्यातील पागोटे येथे एक पुन्हा एकदा तशीच पुनरावृत्ती घडली आहे. बीड जिल्ह्यातील मस्साजोग सरपंच हत्त्या प्रकरणाची पुनरावृत्ती पागोटे येथे झाल्याने पुन्हा एकदा जनतेच्या सेवेसाठी चोवीस तास उपलब्ध असलेल्या सरपंचाच्या सुरक्षेचा मुद्दा पुन्हा एकदा ऐरणीवर आला आहे.

८. रस्त्यात खेळत असलेल्या एका सहा वर्षाच्या चिमुकल्या मुलाच्या अंगावरून वाहनचालकाने कार नेल्याची घटना वसई येथे घडली आहे. हृदयाचा थरकाप उडवणारी अपघाताची ही थरारक घटना सीसीटीव्ही कॅमेऱ्यात कैद झाली आहे. या अपघातात सहा वर्षाचा चिमुकला जखमी झाला आहे.

९. जम्मू-काश्मीरमधील पूंछ भागातील नियंत्रण रेषेजवळ लष्कराच्या गाडीला मंगळवारी झालेल्या भयंकर अपघात मृत्युमुखी पडलेल्यांमध्ये महाराष्ट्राच्या दोन जवानांचा समावेश असल्याचे स्पष्ट झाले आहे. साताऱ्यातील शुभम समाधान घाडगे (२८) आणि चंद्रपूर जिल्ह्याच्या वरोरा तालुक्यातील पिंपळगाव येथील जवान अक्षय निकुरे अशी या मृत जवानांची नावे आहेत.

१०. २६ डिसेंबरपासून बॉक्सिंग डे टेस्टला सुरुवात झाली आहे. बॉर्डर-गावस्कर ट्रॉफी २०२४-२५ चा हा चौथा कसोटी सामना आहे. भारत आणि ऑस्ट्रेलिया यांच्यातील पाच कसोटी सामन्यांच्या मालिकेतील हा एक अतिशय खास कसोटी सामना आहे. १९ वर्षीय खेळाडू सॅम कॉन्स्टासला चौथ्या कसोटी सामन्यात ऑस्ट्रेलियन प्लेइंग ११ मध्ये संधी मिळाली आहे. कॉन्स्टासचा हा पदार्पण सामना असून पदार्पणाच्या सामन्यातच कॉन्स्टन्सने जसप्रीत बुमराहचा अभिमान मोडला आणि चौकार आणि षटकारांनी भरलेली खेळी खेळली.