Devendra Fadnavis on Kalyan Crime : मुख्यमंत्री देवेंद्र फडणवीस यांनीही या घटनेची गंभीर दखल घेत आरोपीला फाशीची शिक्षा व्हावी, यासाठी प्रयत्न करण्याचे आदेश दिले आहेत.
देवेंद्र फडणवीस काय म्हणाले?
कल्याणमधील अल्पवयीन मुलीसोबत घडलेली घटना अतिशय गंभीर आहे, विकृतांना कठोरात कठोर शिक्षा झालीच पाहिजे, असे सांगत फडणवीस यांनी ठाणे पोलीस आयुक्तांशी चर्चा केली. आरोपीला फाशी होईल हे सुनिश्चित करा, असे आदेश फडणवीसांनी दिल्याचे वृत्त ‘टीव्ही९ मराठी’ने दिले आहे. ठाण्यातील नौपाडा पोलीस ठाण्यात आरोपीला ठेवण्यात आले असल्याची महिती आहे. दुपारनंतर त्याला कल्याण न्यायालयात हजर करण्यात येणार आहे.
काय घडलं नेमकं?
सोमवारी संध्याकाळी पाच वाजताच्या सुमारास खाऊ आणण्यासाठी दुकानात गेलेल्या १३ वर्षीय मुलीचे अपहरण करून विशालने तिला घरी नेले. दोन तास तिच्यावर अत्याचार केल्यानंतर त्याने तिची हत्या केली. यांनतर तिचा मृतदेह एका बॅगमध्ये भरला. यादरम्यान बँक कर्मचारी असलेली त्याची पत्नी साक्षी घरी परतली. घरात येताच तिने रक्ताचा थारोळा पहिला. यानंतर पतीला जाब विचारण्याऐवजी तिने रक्ताचे डाग पुसून काढले. तेवढ्या वेळात विशाल मित्राची रिक्षा घेऊन आला. पती-पत्नीने रात्री १० वाजताच्या सुमारास मृतदेह भरलेली बॅग घेऊन बापगावजवळील कब्रस्थान गाठले. या निर्जनस्थळी त्यांनी पीडित मुलीचा मृतदेह फेकला. यानंतर विशाल फरार झाला, तर साक्षी घरी परतली.
Vishal Gawali : बोल, रक्ताचे डाग कसले? बालिकेला संपवून विशाल गावी पळाला, पण तिसऱ्या बायकोने सगळं भडाभडा सांगितलं
पोलिसांनी कसा काढला माग?
दरम्यान, पोलिसांनी सीसीटीव्हीच्या मदतीने रिक्षा चालकाला ताब्यात घेतले. त्याने सोमवारी रात्री विशालला रिक्षा दिल्याची माहिती दिल्यानंतर पोलिसांनी साक्षीला चौकशीसाठी ताब्यात घेतले. सुरुवातीला तिने या गुन्ह्यात पतीचा सहभाग नसल्याचे सांगितले. मात्र, पोलिसी खाक्या दाखवताच गुन्ह्याची कबुली देत तिने विशाल शेगावला आपल्या माहेरी गेल्याचे सांगितले.
Kalyan Crime : कल्याणची घटना गंभीर, विकृताला फाशी होईल हे निश्चित करा, फडणवीसांची पोलीस आयुक्तांशी चर्चा
यानंतर पोलिसांचे पथक तातडीने शेगावमध्ये दाखल झाले व विशाल अटक केली. दाढी राखणारा विशाल ओळख मिटवण्यासाठी सलूनमध्ये दाढी करून बाहेर पडत असतानाच पोलिसांनी त्याच्या मुसक्या आवळल्या. कल्याण पूर्वेत राहणारा विशाल हा विकृत मनोवृत्तीचा आहे. त्याने तीन लग्न केली असून, साक्षी त्याची तिसरी पत्नी आहे. त्याच्यावर विनयभंग आणि लैंगिक अत्याचाराचे पाच गुन्हे दाखल आहेत.
Satish Wagh Murder : टिळेकरांच्या मामाचा काटा मामीनेच काढला, भाडेकरुसोबत मोहिनीची जवळीक खटकली अन् फटक्यात निकाल
या घटनेमुळे नागरिकांच्या भावनांचा उद्रेक होऊन शहरात अनुचित प्रकार घडू नये यासाठी विशालला रात्री उशिरा पोलिस ठाण्यात हजर करण्याचे आदेश पोलिस पथकाला देण्यात आले होते.
लेखकाबद्दलअनिश बेंद्रेमहाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत | सामाजिक, राजकीय आणि मनोरंजनविषयक बातम्यांमध्ये नैपुण्य | क्राईम विषयाचा ‘मास्टरमाईंड’ | एबीपी माझा, टीव्ही९ मराठीसह पत्रकारिता क्षेत्रात 11 वर्षांहून अधिक अनुभव… आणखी वाचा