Mumbai News: महापालिका हद्दीतील सुमारे १० हजार परवानाधारक खाद्यविक्रेत्यांना अन्नसुरक्षा नियम, अन्न स्वच्छतेच्या पद्धती, अन्नपदार्थांची सुरक्षित हाताळणी आणि साठवणूक प्रशिक्षण देण्याचा महत्त्वपूर्ण निर्णय महापालिकेने घेतला आहे. यासाठी मुंबई महापालिका आणि भारतीय अन्नसुरक्षा व मानक प्राधिकरण यांच्यात सोमवारी सामंजस्य करार झाला.

मुंबई : सार्वजनिक आरोग्यासंदर्भातील जोखीम कमी करण्यासाठी आणि मुंबईकरांना दूषित, अनारोग्य अन्न सेवनापासून परावृत्त करण्यासाठी मुंबई महापालिकेने पुढाकार घेतला आहे. महापालिका हद्दीतील सुमारे १० हजार परवानाधारक खाद्यविक्रेत्यांना अन्नसुरक्षा नियम, अन्न स्वच्छतेच्या पद्धती, अन्नपदार्थांची सुरक्षित हाताळणी आणि साठवणूक प्रशिक्षण देण्याचा महत्त्वपूर्ण निर्णय महापालिकेने घेतला आहे. यासाठी मुंबई महापालिका आणि भारतीय अन्नसुरक्षा व मानक प्राधिकरण यांच्यात सोमवारी सामंजस्य करार झाला.या अंतर्गत खाद्यपदार्थ विक्रेत्यांना अन्नसुरक्षेचे महत्त्व, वैयक्तिक स्वच्छता, विक्रीच्या ठिकाणाची स्वच्छता आणि सज्जता, अन्य शिजवणे किंवा पाककृती करणे, कचरा व्यवस्थापन आदी माहितीसोबतच प्रशिक्षणही दिले जाणार आहे. मुंबई महापालिका मुख्यालयात झालेल्या सामंजस्य कराराप्रसंगी महापालिका आयुक्त भूषण गगराणी, भारतीय अन्नसुरक्षा व मानक प्राधिकरण यांचे मुख्य कार्यकारी अधिकारी जी. कमलवर्धन राव आदी उपस्थित होते. मुंबईतील रस्त्यांवर, रस्त्याच्या कडेला खाद्यविक्री करणाऱ्या विक्रेत्यांना या प्रशिक्षणाचा लाभ मिळणार आहे.
PM Kisan Yojana: शेतकऱ्यांना आता वर्षाला पंधरा हजार रुपये; सन्मान निधीबाबत मुख्यमंत्र्यांची पुण्यात मोठी घोषणा
महापालिकेच्या वॉर्डमधील परवानाधारक खाद्यविक्रेत्यांसाठी अन्नसुरक्षा आणि स्वच्छतेविषयक प्रशिक्षण कार्यक्रम आयोजित करण्यात येणार आहेत. रस्त्यावरील खाद्यविक्रेत्यांमध्ये अन्नसुरक्षा नियम, स्वच्छतेच्या पद्धती आणि अन्नपदार्थांची सुरक्षित हाताळणी याबद्दलचे ज्ञान व कौशल्य वाढवणे हा या प्रशिक्षणाचा प्रमुख मुद्दा असल्याचे मुंबई महापालिकेकडून सांगण्यात आले. त्यासोबतच रस्त्यावरील खाद्यविक्रेत्यांमध्ये अन्नसुरक्षा व मानके अधिनियमाचेच पालन करण्यासाठी जागरुकता निर्माण करणे, सार्वजनिक आरोग्यासंदर्भातील जोखीम कमी करणे, तसेच मुंबईकरांना दूषित,अनारोग्य, अन्नसेवनापासून परावृत्त करणे हेदेखील मुख्य उद्देश आहेत.
Manikrao Kokate: भुजबळांसाठी मुलगा अन् पुतण्या दोघेच ओबीसी! माणिकराव कोकाटेंची टीका
खाद्यविक्रेत्यांच्या अधिकाधिक सहभागासाठी संसाधने एकत्रित करणे, निवडलेल्या खाद्यविक्रेत्यांना प्रमाणपत्र वितरित करणे आणि प्रशिक्षणासाठी लागणारे इतर मदत पुरवण्याची जबाबदारी महापालिकेची असणार आहे. रस्त्यावरील खाद्यविक्रेत्यांसाठी प्रमाणित प्रशिक्षण मॉड्युल, साहित्य आणि मार्गदर्शक तत्त्वे तयार करणे व पुरवण्याची जबाबदारी अन्नसुरक्षा व मानक प्राधिकरणाची आहे. अन्नपदार्थाची साठवणूक, हाताळणी शिकवतानाच खाद्यपदार्थ विक्रेत्यांना मूलभूत स्वच्छता पद्धती शिकविण्यात येतील. त्यासोबतच विक्रेत्यांना संबंधित साहित्यही वितरित केले जाणार आहे. प्रशिक्षण सत्रांसाठी विषयतज्ज्ञांची नेमणूक करण्यात येणार आहे.

लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा