बावनकुळे म्हणाले, राहुल गांधी म्हणजे फार बिघडलेली केस आहेत. त्यांना कायदे कळतात हे मला माहिती नाही. खरंतर मुख्यमंत्री देवेंद्र फडणवीस यांनी खरी माहिती सभागृहात मांडलेली आहे अणि आता राहुल गांधी हे राजकारण करायला आले आहेत. अशा घटनांना राजकारणाचा अड्डा करण्यापेक्षा समाजाला शांततेने समजवण्याची गरज राजकारण्यांची आहे.
लग्नाच्या १० दिवसांत नववधू-वराची निघाली अंत्ययात्रा, भावाकडून घरात अग्नीकांड; काय घडलं?
पुढे बोलताना बावनकुळे म्हणाले, यापूर्वी प्रकाश आंबेडकर यांनी मध्यस्थी केली त्या ठिकाणी मोठ्या प्रमाणात शांतता आली. आता राहुल गांधी शांत झालेल्या समाजाला आणि शांत झालेल्या परिस्थितीला अशांत करण्यासाठी महाराष्ट्रात आले आहेत.

पुढे बोलताना बावनकुळे म्हणाले, अशा परिस्थितीत जो लोकनेता असतो तो राजकारण करत नाही. त्याला लोकनेता कधीच म्हणत नाही. जो लोकनेता असतो तो अशा परिस्थितीवर मध्यस्ती घेऊन समाजाला शांत करणे आणि सरकारकडून त्या व्यक्तीला न्याय मिळवून देण्याचे प्रयत्न करत असतो. पण राहुल गांधी यांनी ही केलेली नौटंकी आहे. त्यांना या घटनेवरून राजकारण करायचं आहे. मात्र महाराष्ट्राची जानता अशा घटनांचं कधीच राजकारण होऊ देणार नाही. मुख्यमंत्री यांनी योग्य पद्धतीने संपूर्ण प्रकरणाला तडीस नेण्यासाठी योग्य तो निर्णय घेतला आहे.
विरोधकांचा पवित्रा कायम, आंबेडकर अवमानप्रकरणी मंगळवारी देशव्यापी आंदोलनाची घोषणा

छगन भुजबळ समजदार नेते

छगन भुजबळ यांनी आज मुख्यमंत्री यांची भेट घेतली यावर बोलताना बावनकुळे म्हणाले, छगन भुजबळ हे महायुतीचे वरिष्ठ नेते आहेत आणि मुख्यमंत्री आणि उपमुख्यमंत्री अजित पवार हे सर्व बसून योग्य निर्णय होईल. छगन भुजबळ हे समजदार नेते आहेत. ते योग्य पद्धतीने महायुतीला पुढे नेतील आणि अजित पवार राष्ट्रवादी पक्षात बसून निर्णय घेतील.