सुरुवातीला मोहोळ पोलीस ठाण्यात मिसिंग दाखल

मोहोळ पोलीस ठाण्यात १५ डिसेंबर २०२४ रोजी कृष्णा नारायण चामे (वय ५२ वर्षे) मोहोळ हा हरवल्याची तक्रार दाखल झाली होती. मोहोळ पोलीस ठाण्याचे पोलीस ३ दिवस मिसींग व्यक्तीचा विविध ठिकाणी शोध घेत होते. तसेच मिसींग व्यक्तीची सर्व जिल्ह्यातील तसेच आसपासच्या जिल्ह्यातील पोलीस ठाण्यात तपास यादी पाठवून मिसींग व्यक्तीचे मोबाईलचा सीडीआर काढुन त्याचे अवलोकन करत होते.
Kalyan News: पार्टीत बॉससोबत नको ते करायला सांगितलं, बायकोचा नकार ऐकताच तो संतापला अन् मग थेट…

सालगड्याने अपहरण झाला की काय अशी माहिती पोलिसांना दिली होती

कृष्णा चामे यांच्या शेतातील सालगडी सचिन भागवत गिरी याच्याकडुन माहीती मिळाली की, कृष्णा चामे यांचा अज्ञात व्यक्तीने अपहरण करून मोटार सायकलीवर घेवून गेले. कृष्णा चामे याचे घर हे शेतामध्ये वन विभागाला लागुन आहे. सदर घराच्या आसपास साधारणता ०५ ते ०६ किलो मिटर अंतरापर्यंत शेती व वनविभागाची जमीन आहे. त्यामुळे सदर ठिकाणी राहती लोकवस्ती आणि सीसीटीव्ही सारख्या विविध तांत्रिक मदती मिळत नव्हत्या. पोलिसांनी घटनेच्या ०५ ते ०६ किलोमीटर क्षेत्राचे बाहेरील रोडवर जाऊन सीसीटीव्ही चेक केले. पंरतु पोलिसांना उपयुक्त माहिती मिळत नव्हती. अपहृत व्यक्ती कृष्णा चामे यांचा मोबाईल देखील घरीच मिळून आलेला होता. कृष्णा चामे यांच्या मोबाइलचा सीडीआर म्हणजेच कॉल डिटेल काढुन सर्व संशयीत व्यक्तीचा अभ्यास केला असता उपयुक्त माहिती मिळून येत नव्हती.

सालगड्याने दिलेल्या माहितीत विसंगती आढळली

कृष्णा चामे याचा तपास करत असताना मोहोळ पोलिसांना चौकशीत विसंगती समोर येत होती. मोहोळ पोलिसांनी सचिन गिरी यास संशयित म्हणुन ताब्यात घेवून त्याच्याकडे गुन्ह्याच्या अनुशंगाने सखोल चौकशी केली असता, सदरचा गुन्हा हा त्याने स्वतः केल्याची कबुली दिली. सदरचा गुन्हा हा त्याने आर्थिक कारणाने व सोन्याचे लोभासाठी केल्याचे सांगितले आहे.

असे ठार केले अन् तुकडे करून जमिनीत पुरले

सालगडी सचिन गिरी याने कृष्णा चामे यांच्या डोक्यात वारंवार हातोडा मारून प्रथम ठार मारले. त्यानंतर त्याने धारधार हत्याराने त्यांच्या शरीराचे तुकडे तुकडे करून ते वेगवेगळया पॉलीकॅप कॅरीबॅगमध्ये भरून मयताचे शौचालयाच्या शोष खड्ड्यात पुरून ठेवले होते. कृष्णा चामे याच्या अंगावरील सुमारे १८ ते १९ तोळे सोने, लॉकेट, अंगठ्या व सोन्याचे कडे असे त्याने मयताचे घरासमोरील खड्डयात पुरले असल्याचे सांगितले. मोहोळ पोलीस अधिक तपास करून आणखीन सह आरोपी आहेत का याबाबत तपास करीत आहे. संशयित आरोपी सचिन भागवत गिरी (वय २५ वर्षे रा. सांगवी जि. धाराशिव) यास गुन्ह्याचे तपासात अटक करून गुन्ह्याचा पुढील तपास पोलीस निरिक्षक रणजीत माने (मोहोळ पोलीस ठाणे) हे करीत आहेत. पोलीस निरीक्षक रणजित माने यांनी दिलेल्या माहितीनुसार सचिन भागवत गिरी याच्याविरूध्द धाराशिव जिल्ह्यातील अंबी पोलीस ठाणे येथे यापूर्वी तीन चोरीविषयक गुन्हे नोंद असल्याची माहिती प्राप्त झाली आहे.