खातेवाटपात फारसे बदल नसतील. गेल्या सरकारमध्ये प्रत्येक पक्षाकडे असलेली खाती त्यांच्याचकडे कायम राहतील. त्यात फारसे बदल होणार नाहीत, अशी माहिती आहे. ‘मुख्यमंत्री देवेंद्र फडणवीस यांच्याकडे गृहमंत्रिपदाचा कार्यभार जाईल. आधीच्या सरकारमध्येही हे खातं फडणवीस यांच्याकडेच होतं,’ अशी माहिती द न्यू इंडियन एक्स्प्रेसनं सुत्रांच्या हवाल्यानं दिली आहे.
एक बिहारी सब पे भारी काय? ठाकरेंचे शिंदे बिहारी मॅनेजरला भिडले; पवारांसाठी ऑफिसात घुसून नडले
उपमुख्यमंत्री एकनाथ शिंदे यांच्याकडे नगरविकास खातं कायम राहणार आहे. गेल्या पाच वर्षांपासून हे खातं शिंदे यांच्याकडेच आहे. उद्धव ठाकरे मुख्यमंत्री असल्यापासून शिंदे यांच्याकडे या खात्याची जबाबदारी आहे. याच खात्याच्या माध्यमातून शिंदेंनी शिवसेनेच्या आमदारांना मोठ्या प्रमाणात निधी दिला. त्याचा फायदा त्यांना बंड करताना झाला. नगरविकास खातं बऱ्याचदा मुख्यमंत्री स्वत:कडे ठेवतात, असा इतिहास आहे.

एकनाथ शिंदेंना सार्वजनिक बांधकाम विभागदेखील मिळणार आहे. हे खातंही पॉवरफुल समजलं जातं. मागील सरकारमध्ये सार्वजनिक बांधकाम खातं भाजपच्या रविंद्र चव्हाण यांच्याकडे होतं. आता भाजपनं त्यांना मंत्रिमंडळातून डच्चू दिला आहे. चव्हाण यांच्यामागे मंत्रिपदाची ताकद उभी करत भाजपनं त्यांना बळ दिलं. त्याचा वापर करत चव्हाण यांनी ठाणे जिल्ह्यात पक्षाला बळकटी दिली. शिंदेंच्या बालेकिल्ल्यात शह देण्याची कामगिरी त्यांनी केली.
रिक्षा चालक महिलेला मारहाण, मनसैनिकांचा परप्रांतीय सुरक्षा रक्षकाला चोप; पाय धरायला लावले
ठाण्यात शिंदेंना नडलेल्या चव्हाण यांनी सांभाळलेलं सार्वजनिक बांधकाम खातं आता शिंदेंकडेच येणार आहे. चव्हाण यांना भाजपनं मंत्रिमंडळात स्थान दिलेलं नसलं, तरीही त्यांचं नाव प्रदेशाध्यक्षपदाच्या शर्यतीत पुढे आहे. चव्हाण यांच्याकडे प्रदेशाध्यक्षपदाची धुरा गेल्यास शिंदेंना त्यांच्या होमग्राऊंडवर कडवी टक्कर मिळू शकते. कल्याण-डोंबिवली महापालिकेच्या नगरसेवकपदापासून सुरुवात करणारे चव्हाण डोंबिवलीचे आमदार आहेत. सलग चार वेळा ते डोंबिवली मतदारसंघातून निवडून आले आहेत. ते मुख्यमंत्री फडणवीस यांचे निकटवर्तीय मानले जातात.